Ичисе шаньюй

Чөлөөт нэвтэрхий толь — Википедиагаас
Jump to navigation Jump to search

Ичисе шаньюй нь МЭӨ 126-114 оны хооронд Хүннүгийн төрийг барьж байсан. Тэр бол Лаошан шаньюйгийн хүү, Жюнчэн шаньюйгийн дүү юм. Шаньюй болохын өмнө зүүн гарын Лүли ван байсан. МЭӨ 126 онд ах нь өөд болсны дараа зүүн гарын Жүки ван Юйби нь түүнтэй шаньюйгийн орыг булаацалдаж дайтаад ялагдаад Хань улсын Уди хаанд дагаар орж, Шэ ань хоу цол хүртсэн. Дотоодын тэмцэлдээ ялсан Ичисе нь шаньюй болоод дараа зун нь алдсан газраа буцааж авахаар Хань улсын Дай мужийн нутагт довтолж, захирагч Гунь Жи тэргүүтэй 1000 хүнийг хороож, намар нь Яй Мүн рүү дайрч мөн тооны хохирол учруулжээ. МЭӨ 125 онд дахин их цэргээр 3 замаар дайрч, Ордосын Шуофаны газрыг эзэлжээ. 124 онд Хань улсын хаан Вэй Чин жанжинд 100,000 цэрэг өгч, Шуофаныг довтолж, баруун гарын Жүки вангийн хүрээг шөнө дөлөөр гэнэт дайрч, баруун гарын Жүки ван түүний 15,000 цэрэг ардыг олзолж, хүчирхийлсэн байна. 123 онд дахин их цэрэг авч Диньшян гэндэг газарт дайран орж эзэлж, 19,000 орчим хүнийг олзлох юм уу устгав. МЭӨ 121 онд Хүннү улс руу Ганьсу мужийн орчим дахь Сючу вангийн эзэмшил рүү Хуо Чубин жанжны удирдсан 1 түмэн цэрэг дайрч, эхэндээ ихээхэн олзтой байсан ч, сүүлдээ Хүннүгийн цэрэгт алагдаж, түүний цэргийн олонх нь үхжээ. Энэ мэтээр 124-119 оны хооронд олон удаа байлдаад Хүннү улс нилээд доройтов.

Өмнөх
Жюнчэн шаньюй
Хүннүгийн их шаньюй
МЭӨ 126-114 он
Дараах
Увэй шаньюй