Лувсандамбын Дашням

Гөрөөчид овогтой Лувсандамбын Дашням (1943 онд Архангай аймгийн Төвшрүүлэх сумын нутагт төрсөн) Ардын Их Хурлын орлогч дарга асан, “Монгол уламжлал” академийн тэргүүн, 2010 онд Соёлын гавьяат зүтгэлтэн, 2014 онд ОХУ-ын Тува улсын Шинжлэх ухааны гавьяат зүтгэлтэн, 2022 онд Монгол Улсын Ардын багш цол хүртсэн. Олон улсын эдийн засагч, зохиолч, яруу найрагч, сурган хүмүүжүүлэгч.

Намтар

Улаанбаатар хотын 1-р 10 жилийн дунд сургууль төгссөн.
ЗХУ-ын Москва хотноо Олон улсын харилцааны Дээд сургуулийг олон улсын эдийн засагч мэргэжлээр төгссөн.
ОХУ-ын ШУА-ийн Байгалийн шинжлэл, техникийн түүхийн Хүрээлэнгийн аспирантурыг дүүргэжээ.
Гадаадтай эдийн засгийн талаар харилцах улсын хороонд мэргэжилтэн.
1990-1992 онуудад АИХ-ын Орлогч дарга.
1992-1996 онуудад Улаанбаатар хотын ИТХ-ын Тэргүүлэгч гишүүн.
2001 онд болсон Ерөнхийлөгчийн сонгуульд нэр дэвшиж оролцож байсан.
ХХААЯ-нд НҮБ-ийн тусламж хариуцсан референт,
Улсын хэвлэлийн газарт орчуулгын редактор.
2010-2020 ШУА-ийн "Шинжлэх ухаан амьдрал" сэтгээлийн Хариуцлагатай н/б дарга
2022-2025 онд Монгол Улсын Ерөнхийлөгчийн дэргэдэх Хэлний бодлогын Үндэсний Зөвлөлийн дарга

ШУА-ийн Бага Чуулганы гишүүн, Философийн Хүрээлэнгийн Эрдмийн Зөвлөлийн гишүүн, “Идэр” Их сургууль, “Энх Орчлон “Дээд сургуулиудын Эрдмийн Зөвлөлийн дарга.