Лхамсүрэнгийн Мягмарсүрэн

Лхамсүрэнгийн Мягмарсүрэн

Лхамсүрэнгийн Мягмарсүрэн (1938 оны 2-р сарын 17-нд Ховд аймгийн Буянт суманд төрсөн) - Монгол улсын Гавъяат тамирчин, Монгол Улсын 1965, 1980, 1981, 1982 оны шатрын аварга тамирчин.

Намтар

1970 онд МУИС-ийг геологийн инженер мэргэжлээр төгссөн. УАШТ-д 1965, 1980, 1981, 1982 онуудад түрүүлсэн,

Оюутны шатрын дэлхийн аварга шалгаруулах тэмцээнд 1957-1964 онуудад 7 удаа оролцсон.

1966 онд Ази тивийн бүсийн аварга болж, Олон улсын мастер цол хүртсэн.

Дэлхийн шатрын их наадамд 1960-1982 онуудад тасралтгүй 10 удаа амжилттай оролцсон.

1960 оны дэлхийн шатрын олимпиадад 20 өрөг наадаж 16,5 оноо авч 82,5 хувийн амжилт үзүүлж ширээндээ 1-р байранд шалгарсан.

Дэлхийн аваргын төлөө өрсөлдөх бүс хоорондын хийгээд ЗХУ, Польш, Чех зэрэг улсуудад зохиогдсон олон улсын тэмцээнүүд, Улаанбаатар, Эрхүү, Улаан-Үд, Варшав хотуудын уулзалт тэмцээнүүдэд удаа дараа амжилттай оролцож ирсэн.

Улсынхаа шатрын шигшээ багийн бүрэлдэхүүнд олон удаа багтан уралдаан тэмцээнүүдэд эх орноо төлөөлөн оролцохдоо дэлхийн аваргууд – М.Таль, Василий Смыслов, Бобби Фишер, дэлхийн аваргын төлөө өрсөлдөж явсан Б. Ларсен, П. Керес, Виктор Корчной, В. Горт, Э. Мекинг, Л. Портиш, Л, Штейн, Е. Геллер нарын алдар цуутнуудтай шатрын хөлгийн ард хүчээ үзэж явсан ахмад тамирчин.

Тэрээр 2020 онд Олон улсын Шатрын холбооны тэтгэлэг хүртсэн байна.

Лхамсүрэнгийн Мягмарсүрэн 1997 онд Гавьяат тамирчин цол хүртжээ.