Мохаммад Хатами

	Сейед Мухаммад Хатами; سيد محمد خاتمى
	;
	; 5 дахь дахь Ираны Ерөнхийлөгч
Бүрэн эрхийн хугацаа:	1997 оны 8 сарын 2 – 2005 оны 8 сарын 3
Дэд ерөнхийлөгч:	Хасан Хабиби; Мухаммед Реза Ареф
Төрсөн:	1943 оны 10 сарын 14 ( REDIRECTЗагвар:25 настай); Иран, Ардакан;
Гарын үсэг

Сейед Мухаммад Хатами (Перс: سید محمد خاتمی) нь 1997 оны наймдугаар сарын 2-ноос 2005 оны наймдугаар сарын 3-ны хооронд Ираны тав дахь удаагийн Ерөнхийлөгчийн албыг хашиж байсан улс төрч, исламын шашныг түгээн дэлгэрүүлэгч, сэтгэгч билээ.

Намтар

Хатами 1943 оны есдүгээр сарын 29 нд Ираны Йезд мужийн Ардакан сууринд аятолла хүний гэрт мэндэлсэн. 19 насандаа Кум хотноо хүрэлцэн ирж, шашны ариун сургаалд хичээнгүйлэн суралцсан. 1965 онд Исфаханы Их Сургуульд элсэн орж, 1969 онд гүн ухаанаар бакалаврын зэрэг хүртсэн. Тэр жилдээ Ираны зэвсэгт хүчинд алба хаасан байна. 1970 онд Тегераны Их Сургуульд үргэлжлүүлэн суралцаж, дараагаар нь, Кум хотноо эргэн ирсэн. 1970-аад оноос Хатами Ираны шах Мухаммед Рез Пехлевийн дэглэмийн эсэргүүцэх улс төрийн хүчинтэй хамтарч ажиллах болсон. 1978 онд Холбооны Бүгд Найрамдах Герман Улс (ХБНГУ)-ын Хамбург хотноо байрлах Ислам Шашны Төвийн тэргүүнээр сонгогдсон. 1982-1992 онуудад Ираны Соёлын Яамны сайдаар ажилласан. 1992 онд Исламын Бүгд Найрамдах Иран Улсын ерөнхийлөгчийн зөвлөх, Улсын Төв Номын Сангийн захиралаар томилогдсон. Ираны их сургуулиудад багшилж байсан. 1997 оны тавдугаар сарын 23 нд нийт сонгогчдын 69.5%-ийн дэмжлэг хүлээж, Исламын Бүгд Найамдах Иран Улсын тав дахь ерөнхийлөгчөөр сонгогдсон. Соёл, шашны хувьд хүлээцтэй байж, Өрнөдийн орнуудтай нягт хамтран ажиллах болно гэдгээ мэдэгдсэн. 2001 онд ерөнхийлөгчөөр дахин улиран сонгогдсон. Хатами перс, араб, англи,герман хэлтэй. Эхнэр, гурван хүүхдийн хамт амьдардаг.

Холбоос

Commons: Мухаммад Хатами – Викимедиа зураг, бичлэг, дууны сан

Улс төрийн албан тушаал
Өмнөх Акбар Хашеми Рафсанжани	Ираны Ерөнхийлөгч 1997-2005	Дараах Махмуд Ахмадинежад

Загвар:Ираны Ерөнхийлөгчид