ОХУ-ын Гадаад тагнуулын алба

Оросын Холбооны Улсын Гадаад тагнуулын алба (Орос: Служба внешней разведки Российской Федерации, СВР) - ОХУ-ын гадаад тагнуулын үндсэн байгууллага, цэргийн тусгай алба юм. Байлдааны гар буу болон бусад зэвсгийг хэрэглэх эрхтэй төрийн хагас цэрэгжүүлсэн байгууллагуудын нэг болно.

ОХУ-ын Гадаад тагнуулын албаны далбаа

ОХУ-ын Гадаад тагнуулын албаны төв байр нь Москва хотын Новомосковск тойргийн Сосенский суурин дахь Бачурино тосгоны ойролцоо байрладаг. ОХУ-ын Гадаад тагнуулын албаны Академийн цогцолбор нь Хлебниковскийн ойн цэцэрлэгт хүрээлэнд (Москва муж, Мытищи дүүрэг) байрладаг. ОХУ-ын Гадаад тагнуулын албаны үйл ажиллагааг ОХУ-ын Ерөнхийлөгч удирддаг байна.

1991 оны 12 дугаар сард ОХУ-ын Гадаад тагнуулын алба нь ЗХУ-ын Улсын Аюулгүй байдлын Хорооны (КГБ) Нэгдүгээр Ерөнхий Газар (ЗХУ-ын УАБГ-ын Хилийн цэрэг) ба ЗХУ-ын Тагнуулын төв албаны албан ёсны залгамжлагч болон байгуулагджээ.

Одоогийн байдлаар ОХУ-ын Гадаад тагнуулын албаны үйл ажиллагааг 1996 оны 1-р сарын 10-ны өдрийн "Гадаад тагнуулын тухай" ОХУ-ын холбооны хуулиар зохицуулдаг байна.

ОХУ-ын Гадаад тагнуулын албаны анхны захирал Е.Примаков. 1991 он

Оросын гадаад тагнуулын ажлын үндсэн чиглэлүүд

• улс төрийн тагнуул - гадаад гүрнүүд, олон улсын болон нийгэм-улс төрийн байгууллагууд, гадаадын улс төрийн тэргүүлэх удирдагчдын гадаад бодлогын зорилгын талаар идэвхтэй мэдээлэл хайх, олж авах; олон улсын тавцанд Оросын гадаад бодлогын зорилгод хувь нэмэр оруулах үйл ажиллагаа, арга хэмжээг явуулах.
• эдийн засгийн тагнуул - гадаад бодлогын оролцогчдын эдийн засгийн үйл ажиллагааны бүхий л асуудал, тэдгээрийн эдийн засаг, санхүүгийн бүтэц, ОХУ-ын сонирхсон валют, түүхий эд, үнэт металлын зах зээлийн нөхцөл байдлын талаар мэдээлэл олж авах, түүнчлэн дараах зорилготой арга хэмжээг зохион байгуулах, явуулах: ОХУ-ын гадаад эдийн засгийн ашиг сонирхлын таатай орчныг бүрдүүлэх, гадаад эдийн засгийн үр дүнтэй хамтын ажиллагааг хөгжүүлэх, ашигтай худалдаа, эдийн засгийн хэлцэл, хэлэлцээр байгуулах гэх мэт.
• шинжлэх ухаан, техникийн тагнуул - Оросын шинжлэх ухаан, техникийн сэтгэлгээг орчин үеийн түвшинд байлгах, шинэ төрлийн зэвсгийг хөгжүүлэхэд гадаад улсын үйл ажиллагааг хянах чиглэлээр тэргүүлэх ач холбогдол бүхий гадаадын шинжлэх ухаан, техникийн ололт амжилтын талаарх мэдээллийг олж авах; Үндэсний судалгааны төвүүдийн хөгжил, хөтөлбөрүүдийн хамгийн ирээдүйтэй чиглэлүүдийг сонгох, үйлдвэрлэлийн технологийн тоног төхөөрөмжийг сайжруулах гэх мэт.

Захирлууд

1. Евгений Максимович Примаков (1991.09.30-1996.01.09)
2. Вячеслав Иванович Трубников (1996.01.10-2000.05.20)
3. Сергей Николаевич Лебедев (2000.05.20-2007.10.09)
4. Михаил Ефимович Фрадков (2007.10.09-2016.10.04)
5. Сергей Евгеньевич Нарышкин (2016.10.05-аас)

Алдартай ажилчид

Васильев Игорь Владимирович-ОХУ-ын Киров мужийн захирагч.

Груздев Владимир Сергеевич - бизнес эрхлэгч, Тула мужийн захирагч асан.

Дмитриев Михаил Аркадьевич-цэрэг-техникийн хамтын ажиллагааны Холбооны албаны дарга асан.

Эрин Виктор Федорович-ОХУ-ын Дотоод хэргийн сайд асан.

Сергей Борисович Иванов - ОХУ-ын Ерөнхийлөгчийн Тамгын газрын дарга асан.

Анатолий А.Корендясев- Тав дахь хурлын Төрийн Думын депутат.

Лебедев Сергей Николаевич-Тусгаар Улсуудын Хамтын нөхөрлөлийн орнуудын Гүйцэтгэх нарийн бичгийн дарга (2007 оны 10-р сараас өнөөг хүртэл), оросын тагнуулын ажилтан, 2000-2007 онд ОХУ-ын Гадаад тагнуулын албаны захирал, армийн генерал.

Григорий А.Рапота нь Холбооны Улсын Төрийн нарийн бичгийн дарга юм.

Чиркунов Олег Анатольевич-Пермийн мужийн захирагч асан.

Якунин Владимир Иванович - "Оросын төмөр зам"ХК-ийн Ерөнхийлөгч асан.