Руан

Руан хот

Руа́н (фран, норманд. Rouen [ʁwɑ̃]) — Францын умард нутаг дахь Норманди аймгийн түүхэн нийслэл. Өнөө үед Норманди мужийн болон Далайн эрэг дахь Сена-гийн (франц. Seine-Maritime) департаментын префектур буюу захиргааны төв. 1.255.883 хүн амтай хот.

Газар зүй

Эхэндээ энэ хот зөвхөн Сена мөрний баруун эрэгт байрладаг байв. Одоогийн байдлаар зүүн эрэг дахь Сент-Северийн (франц. Saint-Sever) дүүрэг, түүнчлэн Лакруа арал нь хотын хязгаарт багтдаг болсон байна. Хотын умард хэсэг толгодтой бөгөөд тэгш өндөрлөгт давамгайлдаг ажээ.

Сена мөрөн тус хотын нутагт 179 га талбайг эзэлдэг. Руан хот 300 гаруй га тохижилттой талбай, 210 км тээврийн зам, 16 км дугуйн зам, 8 км явган хүний ​​гудамжтай. 1971 онд "Rue du Gros-Horloge" гудамж Францын анхны явган хүний ​​гудамж болсон түүхтэй.

Эдийн засаг

Руан хотод далайн хөлөг онгоцонд нэвтрэх боломжтой томоохон голын боомттой (далайн хөлөг онгоцноос барааг гол, төмөр зам руу шилжүүлэн ачих). Хотод хөвөн болон нэхмэлийн үйлдвэрлэлийн бусад салбарууд хөгжсөн. Хотын захад төмөрлөг, механик инженерчлэл байдаг; газрын тос боловсруулах, хими, мод, цаасны үйлдвэрүүдтэй.