Сакура

Сакура мод

Сакура цэцэглэх үеэр

Са́кура (япон. さくら, япон. 桜, хуучин. 櫻 ) -Чавганы дэд овгийн 11 зүйл, хэд хэдэн сортын модны нэгтгэсэн нэр юм; (латин. Prunoideae) нь ихэвчлэн нарийн ширхэгтэй интоор (Prunus serrulata) -ийг мөн хэлдэг. "Сакура" гэж нэрлэгддэг олон зүйл нь зөвхөн гоёл чимэглэлийн ургамал болгон тариалалтанд ашиглагддаг бөгөөд жижиг, иддэггүй жимстэй ажээ.

Ихэнх Сакура цэцэг 5 дэлбээтэй байдаг ба 100 хүртэлх дэлбээтэй төрлүүд ч байдаг байна. Хамгийн сонирхолтой нь эдгээр цэцгүүдийг дэлбээний тооноос хамааран өөр өөрөөр нэрлэдэг гэнэ шүү.   5 дэлбээтэй Сакураг hitoezakura (一重桜), 5-10 дэлбээтэйг  hanyaezakura (半八重桜). 10-с их 100 хүртэлх дэлбээтэй Сакураг yaezakura (八重桜) гэж нэрлэдэг. Зуугаас дээш дэлбээтэй Сакура ч мөн байдаг бөгөөд харагдах байдлын хувьд хонин нүдэн цэцэгтэй төстэй аж. Сакура гоо үзэсгэлэн болоод мөнх бус байдлыг бэлэгддэг. Сакура нь мөн хайр дурлал, оюун билэг, гэгээрэлд хүрэх замыг билэгддэг.

Япончууд сакураг улс үндэстнийхээ бэлгэ тэмдэг гэж үздэг бөгөөд цэцэг нь албан бусаар төрийн сүлдэд тооцогддог байна. Интоорын мод бүрэн цэцэглэх үе ихэвчлэн дөрөвдүгээр сарын эхээр тохиодог ажээ. Хаврын цөөхөн хоног дэлбээлээд унадаг энэ үеэр Японы цэцэрлэгт хүрээлэнгүүдэд мянга мянган хүн очдог байна. Япончууд Сакура модны доор цугларч, бэлдэж ирсэн хоолоо идэж өдрийг хөгжилдөн өнгөрөөдөг уламжлалтай.