Синьхуа агентлаг

«Синьхуа» агентлаг (хятад уламж. 新華社, хялбар. 新华社, пиньинь Xīnhuáshè, шууд утгаар: «Шинэ Хятад» агентлаг) - БНХАУ-ын Засгийн газрын албан ёсны мэдээллийн агентлаг.

Синьхуа бол БНХАУ-ын Төрийн Зөвлөлд шууд харьяалагддаг, яамны түвшний байгууллага бөгөөд Хятадын төрийн хэвлэл мэдээллийн хамгийн дээд байгууллага юм.

Түүх

Мэдээллийн «Синьхуа» агентлаг 1931 оны 11-р сард «Хятадын улаан мэдээллийн агентлаг» (紅色中華通訊社; Hóngsè Zhōnghuá Tōngxùnshè) гэж байгуулагдсан. 1937 оноос өнөөгийн нэрийг авсан.

1944 онд англи хэлээр олон улсад мэдээлэл цацаж эхэлсэн.

«Синьхуа» агентлагийн төв байр Бээжин хотын төвд байрладаг.

2024 оны байдлаар «Синьхуа» агентлаг Ази, Ойрхи Дорнод, Латин Америк, Африкийн 170 гаруй орнуудад өөрийн сурвалжлах салбартай, мэдээллээ цацдаг бөгөөд Хонконг, Москва, Каир, Брюссель, Мехико болон Найробид бүсийн төвүүдтэй ажээ.

"Синьхуа" агентлаг хятад, англи, франц, орос, испани, араб, япон зэрэг долоон хэлээр дэлхий даяар мэдээ, мэдээллийн сувгууд болон бусад олон хэлээр мэдээллээ хүргэдэг.

2022 оны 6-р сард "Бээжингийн өдрийн сонин"-ы Хятадын Коммунист намын хорооны нарийн бичгийн дарга асан Фу Хуа "Синьхуа"-гийн ерөнхий редактороор томилогдсон. 2022 оны 9-р сард Фу Хуа "Синьхуа агентлаг хэзээ ч намын шугамаас нэг минут ч холдохгүй, ерөнхий нарийн бичгийн дарга Ши Жиньпиний тавьсан замаас гарахгүй" гэж мэдэгджээ.

Цахим хуудас: https://english.news.cn/home.htm (англи хэлээр)