Стиг Ларсон
| Стиг Ларсон | |
|---|---|
| Төрсөн | Карл Стиг-Эрланд Ларсон 1954 оны 8 сарын 15 Швед, Шеллефтео |
| Нас барсан | November 9, 2004 (50 насалсан) Швед, Стокхольм |
| Яс үндэс |  Швед |
| Ажил | сэтгүүлч, зохиолч |
| Он жил | 1990 - 2004 |
| Цахим сүлжээ www.stieglarsson.se | |
Стиг Ларсон 1954 онд Шведийн Шеллефтео хотод төржээ. Сэтгүүлч мэргэжил эзэмшин томоохон хэвлэлийн агентлагт олон жил ажиллаж улмаар 1999 оноос хойш "Expo" сэтгүүлийн ерөнхий эрхлэгчийн албыг хашжээ. Ларсон Анти-Демократик, барууны жигүүрийг баримтлагч, нацист байгууллагуудын талаар нөр их судалгаа хийсэн дэлхийд тэргүүлэх судлаачийн нэг юм.
Шведийн хэвлэлийн нэгэн газарт детектив гурван романыхаа гар бичмэлийг өгснийхөө дараахан 2004 оны 11 сарын 9-нд зуурдаар нас нөгчсөн юм. Энэхүү цуврал нь "Millennium" гурамсан роман болон хэвлэгдэж дэлхий даяар 60 гаруй сая хувь борлогдож уншигчдийн хүртээл болсон. Харамсалтай нь Ларсон энэ амжилтаа өөрийн нүдээр үзэж чадаагүй билээ.