Товуугийн Намсан
1937 оны үхэр жил 1-р сарын 25-нд Завхан аймгийн Баянхайрхан сумын Мараат хэмээх газар малчин ард Товуугийн гуравдугаар хүү болон төрсөн.
Нагац талдаа Ходом арслангийн удамт тэрээр 1954 онд төрөлх сумынхаа баяр наадамд түрүүлж, сумын заан цол хүртэн, бөхийн гараагаа эхлэж байжээ.
Улсын их баяр наадамд 1960, 1961, 1965 онуудад гурав, 1963, 1964 онуудад тус бүр хоёр давж тухайн үедээ улсын цол хүртэх магадлалтай залуу бөхчүүдийн нэг гэгдэж байв.
1966 оны үерийн жилийн Улсын их баяр наадмын 512 бөхөөс Хөвсгөлийн Ц.Бадамсэрээжид арслангаар тав даван шөвгөрч, “Улсын начин” цол хүртсэн.
1967, 1979 оны Улсын баяр наадмуудад 4 давсан.
1968, 1975, 1977 онуудын Дархан-Уул, Сэлэнгэ, Орхон аймгийн баяр наадмуудад түрүүлсэн.
Тэрээр биеэр том биш боловч бариа зөрөөн дээр харваж дайран хөлд орох, суйлах зэрэг мэхүүдийг голчлон чадмаг хийдэг, уран барилдаантай бөх юм.
1958 онд Ардын цэргийн албанд татагдан салааны дарга, ангийн хувцасны албаны дарга, спорт хорооны дарга албыг хашиж байсан хошууч цолтой, “Байлдааны гавъяаны улаан тугийн одон”-оор шагнагдаж явсан офицер тэрээр ардын хувьсгалын жилүүдэд Баянхайрхан сумаас төрсөн анхны улсын начин цолтон буй.
Тэрээр 1986 онд Улаанбаатар хотод таалал төгсжээ.
Улсын наадмын дэвжээнд
[засварлах | кодоор засварлах]| Он | Амжилт | Бөхийн тоо |
|---|---|---|
| 1966[1] | Хөвсгөлийн Ц.Бадамсэрээжид арслангаар тав даван шөвгөрч, “Улсын начин” цол хүртсэн. | 512 |
| 1967[2] | Дөрөв даван, тавын даваанд Улсын арслан Цэрэннадмидын Бадамсэрээжидэд өвдөг шороодсон. | 512 |
| 1979[3] | Дөрөв даван, тавын даваанд Дархан аврага Хорлоогийн Баянмөнхөд өвдөг шороодсон. | 512 |
Аймгийн наадмын дэвжээнд
[засварлах | кодоор засварлах]| Он | Амжилт |
|---|---|
| 1968 | Дархан-Уул аймгийн баяр наадамд[4] Аймгийн арслан Дүнгээгийн Пунцагаар даван түрүүлсэн. |
| 1975 | Сэлэнгэ аймгийн баяр наадамд[5] Аймгийн арслан Дэмбэрэлийн Нанжидаар даван түрүүлсэн. |
| 1977 | Орхон аймгийн баяр наадамд[6] Аймгийн заан О.Жадамбаар даван түрүүлсэн. |
- ↑ "1966 оны улсын наадмын бөх барилдаан", Википедиа нэвтэрхий толь, 2020-08-14, Татаж авсан: 2024-07-29
- ↑ "1967 оны улсын наадмын бөх барилдаан", Википедиа нэвтэрхий толь, 2020-08-14, Татаж авсан: 2024-07-29
- ↑ "1979 оны улсын наадмын бөх барилдаан", Википедиа нэвтэрхий толь, 2023-10-05, Татаж авсан: 2024-07-29
- ↑ "Дархан-Уул аймгийн баяр наадам", Википедиа нэвтэрхий толь, 2022-02-27, Татаж авсан: 2024-07-29
- ↑ "Сэлэнгэ аймгийн баяр наадам", Википедиа нэвтэрхий толь, 2023-02-10, Татаж авсан: 2024-07-29
- ↑ "Орхон аймгийн баяр наадам", Википедиа нэвтэрхий толь, 2022-11-27, Татаж авсан: 2024-07-29