Том Чаплин
| Том Чаплин | |
|---|---|
 | |
| Ерөнхий мэдээлэл | |
| Төрсөн нэр | Томас Оливер Чаплин |
| Төрсөн | 1979 оны 3 сарын 8 Хастингс, Зүүн Сассекс,Англи |
| Хөгжмийн урсгал | Алтернатив рок, Британ рок |
| Мэргэжил | Дуучин, хөгжмийн зохиолч |
| Зэмсэг | дуучин, электрон гитар, төгөлдөр хуур, лимбэ, Акустик гитар, орган |
| Идэвхтэй | 1996-1997, 1998-одоо |
| Хамтардаг уран бүтээлчид | Keane |
| Цахим хуудас | http://www.tomchaplinmusic.com |
Томас Оливер “Том” Чаплин (Англи: Thomas Oliver "Tom" Chaplin, 1979 оны 3 сарын 8-нд мэндэлсэн) нь Keane хамтлагийн дуучин, хөгжимчин, хөгжмийн зохиолч.
Амьдрал болон карьер
[засварлах | кодоор засварлах]Чаплин 1979 оны хавар Дэвид Чаплин, Сэлли Тэйлорын гэр бүлд мэндэлжээ. Ирээдүйд нэг хамтлагийн гишүүд болох хувь тавилантай Тим Райс-Окслигийн дүү (Мөн Том нэртэй) түүнээс нэг сарын зөрүүтэй төрсөн юм. Тэдний ээжүүдийн найзын харилцаа хүүхдүүдийг нь ч дотносоход нөлөөлжээ.
Томын аав Робертсбриж хотын Вайнхолл сургуулийн захирал байлаа. Хөвгүүд хамтдаа тус сургуульд явдаг байсан юм. Удалгүй Райс-Оксли, Чаплин нар Тонбриж дунд сургууль руу шилжсэн бөгөөд тэндээ хамтлагийн бөмбөрчин Ричард Хьюзтэй танилцсан юм. Улмаар Keane-ийг үүсгэн байгуулагчдын нэг Доминик Скоттой ч танилцжээ.
Вайнхоллд сурч байхдаа Чаплин сургуулийнхаа найрал дууны хамтлагт багтан хэд хэдэн тэмцээнд оролцож байсан. Мөн лимбэ тоглодог байжээ.
1995 онд Скотт, Райс-Оксли, Хьюз нар 'The Lotus Eaters' нэртэй анхны хамтлагаа байгуулж U2, Oasis, Beatles, Sussex pubs зэрэг алдартай хамтлагуудын дууг ковер хийж дуулж эхэлсэн байна. Энэ үедээ Тим Райс-Оксли Чаплиныг хамтлагтаа акустик гитарчнаар орохыг хүссэн бөгөөд 1997 онд хамтлагийнхаа нэрийг Keane хэмээн өөрчилсөн юм. Мөн Том Чаплин дуучин болжээ.
2010 онд Том Soccer AM нэвтрүүлэгт оролцохдоо Английн доод лигийн Ипсвич Таун багийн дэмжигч гэдгээ хэлж байсан. Мөн тэрээр крикетийн спортод дуртай бөгөөд Сассекс, Английн шигшээ багийн үнэнч дэмжигч аж.
Тэрээр 2010 оны 11 сарын 17-нд Prince's Trust-д хүмүүнлэгийн тоглолтын үеэр амьдралынхаа турш мөрөөдөж байсан зорилгоо биелүүлж Queen хамтлагийн үлдсэн гишүүдийн хамтаар (Брайан Мэй, Рожер Тэйлор) "It's a Hard Life" хэмээх дууг олны өмнө сонирхуулсан юм. Мөн Фрэдди Мэркуригийн 65 насны төрсөн өдрийн тоглолтоор The Show Must Go On болон It's a Hard Life-ыг дуулсан билээ.
Томын гэр бүл Rwanda Aid хэмээх хүмүүнлэгийн үйл ажиллагааг явуулдаг. Тэрээр 2011 оны 6 сард олон жил үерхсэн найз бүсгүй Нэттэйгээ гэрлэсэн юм.
Чаплиныг 1997 онд Райс-Оксли 'The Lotus Eaters' хамтлагтаа урьж байлаа. Тэд хамтлагийнхаа нэрийг Чаплины ээжийн найзын нэрээр 'Cherry Keane' хэмээн өөрчилсөн боловч удалгүй 'Cherry'-г хассанаар Keane хэмээн нэрлэгдсэн билээ.
1997 оны 7 сард Чаплин Өмнөд Африк руу чөлөөгөөр явсан бөгөөд түүнийг явсны дараахан хамтлагийнхан нь өөрсдийн уран бүтээлээ эхлүүлэх ажилдаа ханцуй шамлан орсон байна. Жилийн дараа 1998 оны 7 сарын 3-нд Хьюз Чаплинийг авахаар очсон бөгөөд очингуутаа хэлсэн “Бид нар 10 өдрийн турш зугаатай байлаа”( "We've got a gig in ten days.") гэсэн үгээрээ нэрлэгдсэн концертоо Hope & Anchor бааранд 1998 оны 7 сарын 13-нд хийсэн байна.
Чаплин үүний дараа Эдинбургийн Их сургуульд урлагийн чиглэлээр суралцаж эхэлсэн боловч удалгүй хөгжмийн карьераа хөөхөөр сургуулиа орхисон юм.
Тэд Лондонд хамтран амьдрах болсон бөгөөд Чаплин, Райс-Окслитэй хамт Сток Нэвингтонд өрөө хөлслөн амьдардаг байлаа. Хөгжмийн бэлтгэлийнхээ хажуугаар тэд мөн цагийн ажил хийдэг байсан бөгөөд Чаплин хэвлэлийн компанид хайрцаг зөөдөг байжээ.
Скотт хамтлагийн ерөнхий гитарчин болсон учраас Чаплин акустик гитар тоглохоор болжээ. Харин 2001 онд түүнийг хамтлагаас гарсны дараа тэрээр дуучны үүргийг гүйцэтгэх болсон. Гэхдээ “Hamburg Song”-д орган тоглож байсан бол заримдаа төгөлдөр хуур тоглох нь бий.
Хар тамхины эмчилгээ
[засварлах | кодоор засварлах]2006 оны 8 сарын 22-нд Чаплин хар тамхинаас гарах эмчилгээ хийлгэж байгаагаа олон нийтэд зарласан. Түүний эмчилгээнээс болж Keane Хойд Америкаар хийж байсан аялан тоглолтоо цуцлахад хүрсэн бөгөөд Японд байхдаа зочид буудлаа дур мэдэн орхиж ганцаараа нутаг буцаж байсан юм.
Тэр оныхоо 10 сарын 6-нд Том эмнэлэгээс гарсан боловч үргэлжлүүлэн эмчлүүлсээр байлаа. Энэ үед нь Сэр Элтон Жон түүн рүү залгаж зөвлөгөө өгч байсан бөгөөд The Darkness хамтлагийн Жастин Хавкинс болон Пете Дохерти нар түүнтэй хамт эмчлүүлж байсан тухай мэдээ байдаг. Гэхдээ Том хожим үүнийг үгүйсгэсэн юм. 2010 онд The Sun сонинд өгсөн ярилцлагадаа 2006 оноос хойш согтууруулах ундаа хэрэглэж байгаа ч гэсэн тааруулахыг хичээж байна. Мөн шоу цэнгээнд явахаас илүү гольф тоглож цагийг өнгөрөөхийг илүүд үзэх болсон тухайгаа ярьж байсан юм. Алис Күүперийн хар тамхи, архинаас хэрхэн гарсан тухай зохиолууд түүнийг зоригжуулдаг ажээ.
Хөгжмийн зэмсгүүд
[засварлах | кодоор засварлах]"Hamburg Song" and "Nothing in My Way" дуунуудад Hammond MK2 органыг Чаплин ашигласан байдаг. 2006 оны 5 сараас хойш "A Bad Dream", "The Frog Prince" "Crystal Ball" гэсэн дуунуудад төгөлдөр хуурын аяыг хурдасгахад Yamaha CP60M-г ашиглаж байсан байна.
2006 оны Их Британийн аялан тоглолтоос хойш акустик гитараар тоглож байгаа бол 2007 онд "Broken Toy" , "The Frog Prince" дуунуудад акустик соло хөгжимчнөөр ажилласан юм.
Keane-ий гурав дахь альбом Perfect Symmetry (Төгс тэгш хэм)-д Чаплин гитарчны үүргийг гүйцэтгэсэн. Мөн Perfect Symmetry-гийн бүх амьд тоглолтууд, ковер болон цомгийн ажилд Чаплин хамтлагийнхаа гитарыг тоглож байсан. Түүнд улаан цагаан, бүдэг цэнхэр өнгийн гурван Fender Telecaster гитар байдаг аж. Райс-Оксли Чаплиныг Терменвокс тоглохоор оролдож байсан боловч учрыг нь олж чадаагүй хэмээн нэгэн ярилцлагадаа дурьдсан байдаг.
Цахим холбоос
[засварлах | кодоор засварлах]
Commons: Том Чаплин – Викимедиа зураг, бичлэг, дууны сан