Шимизү Такэнори

Чөлөөт нэвтэрхий толь — Википедиагаас
Jump to navigation Jump to search

‘’’Шимизү Такэнори’’’ (япон. 清水武則, しみず たけのり) нь Монголд дөрвөнтөө томилогдож ажилласан, сүүлд 2011 оны 9 сарын 1-нээс 2016 оны 12 сарын 20 хүртэл Монгол Улсад суугаа онц бөгөөд бүрэн эрхт элчин сайдын албыг хашсан Японы дипломатч.

Намтар[засварлах | edit source]

Шимизү Ооита аймгийн Коконоэ хотод төржээ. Аймгийнхаа Бэппү Цүрүмигаока ахлах сургуулийг дүүргээд Чүо их сургуулийн хуулийн тэнхимд суралцаж, 1975 онд төгссөн. Мөн ондоо Японы Гадаад хэргийн яаманд ажиллах болсон Шимизүй 1976 оноос Их Британийн Лидсийн их сургуульд монгол хэл суралцаж, улмаар 1977 оноос Монгол Улсын Их Сургуульд монгол хэлний мэдлэгээ гүнзгийрүүлжээ.

1985-89 онд Канад дахь Японы ЭСЯ-нд сурталчилгаа, соёл хариуцсан ажилтан, 1989 оноос Монгол улсад 2 дахь удаагаа томилогдсон. 1997-99 онд “Гадаад хэвлэлийн төв” санд сурвалжлагад дэмжлэг үзүүлэх тасгийн дарга, 1999-2002 онд АНУ дахь ЭСЯ-ны консулын хэлтсийн дарга, 2002-2005 онд 3 дахь удаа Монголд томилогдон аташшегаар ажиллаж байв. Улмаар 2005 оноос Гадаад хэргийн яамны Гадаад бодлогын газрын НҮБ-ын асуудал эрхэлсэн төлөвлөгч, Сайдын хэрэг эрхлэх газрын сурталчилгаа, соёлын харилцааны хэлтсийн төлөвлөгөөний тасагт төлөвлөгч, ГХЯ-ны нийгмийн халамжийн албаны дарга, 2010 оны 7 сараас сурталчилгаа, соёлын харилцааны хэлтсийн олон улсын соёлын харилцааны албаны даргаар ажиллаж байгаад Монголд элчин сайдаар томилогдсон.

Шагнал[засварлах | edit source]

  • Хөдөлмөрийн гавьяаны улаан тугийн одон (2015)