Ядамсүрэнгийн Үржнээ

Ядамсүрэнгийн Үржнээ (1940 онд Москва хотноо төрж, 2000 онд нас барсан) нь Монгол Улсын Төрийн шагналт зураач, уран бүтээлч байв. Анхны Ардын зураач Ү.Ядамсүрэнгийн хүү.

Намтар[засварлах | кодоор засварлах]

Улаанбаатар хотын Зөвлөлтийн арван жилийн Нэгдүгээр дунд сургууль 1959 онд төгссөн. 1970 онд И.Е.Репины нэрэмжит уран зургийн академийг монументаль урлагийн мэргэжлээр төгсөөд Ардын армид цэргийн алба хаажээ

1956 оноос “Элдэв-Очир” кино театрт зураачаар болон Хэвлэл чимэглэлийн газар, В.И.Лениний музей, Хэлмэгдэгсдийн музейд ерөнхий зураачаар ажиллаж ирсэн.

1995 оноос Дүрслэх Урлагийн “Анима” сургууль, 1999 оноос Кино Урлагийн дээд сургуульд багшилж байсан.

Бүтээлүүд[засварлах | кодоор засварлах]

Театр, ардын урлагийн чиглэлээр сүүлийн 30 орчим жилүүддээ Улсын ардын дуу бүжгийн чуулгын концерт, МАХН, МҮЭ-ийн их хурал төрийн концертуудын тайз, хувцасны эхүүдийг хийж байв.

Дүрслэх урлагийн бүтээлүүд[засварлах | кодоор засварлах]

Дүрслэх урлаг, чимэх чимэглэх урлаг, зураасан зургаар үндэсний хувцасны цомог, ханын чимэглэл, цаг тооны бичиг, зурагт хуудас хэдэн зуугаар зурж бүтээснийг тоочиж барамгүй юм.

Монументаль урлагийн бүтээлүүд[засварлах | кодоор засварлах]

  • Зөвлөлтийн дайчдад зориулсан “Зайсан” хөшөө
  • В.Лениний музейн фасадын зэс хөөмөл
  • ГХЯ-ны гол шатан дээрх Чингис хааны өнгөт чулуун шигтгэмэл //
  • МҮЭСТО-ны Янжинлхамын зээгт наамал

Хэвлэлийн бүтээлүүд[засварлах | кодоор засварлах]

“Пионерийн үнэн”, “Залуучуудын үнэн”, “Новости Монголии” зэрэг хэдэн арван сэтгүүлийн зурагт хуудас, хэдэн зуун чимэглэл, шуудангийн марк, ил захидал зурж бүтээжээ.

Киноны ажлууд[засварлах | кодоор засварлах]

  • “Ардын элч”, “Эргүүн хунгийн домогт” кинонд оролцон тогложээ.
  • “Зэрэг нэмэхийн өмнө” киноны зураачаар ажилласан байна.

Гавьяа шагнал[засварлах | кодоор засварлах]

  • Монгол Улсын Төрийн шагнал (1981 он)
  • Хөдөлмөрийн хүндэт медаль
  • Засгийн Газрын хүндэт жуух
  • Ардын хувьсгалын 50, 60 жилийн ойн медалиуд
  • МУЭ-ийн шагнал
  • МҮЭ-ийн хорооны шагнал
  • Зураач Б.Шаравын нэрэмжит диплом

Гэр бүл[засварлах | кодоор засварлах]

Үржнээгийн аав нь Монгол улсын ардын зураач Үржингийн Ядамсүрэн.