Өгөгдлийн сан

Чөлөөт нэвтэрхий толь — Википедиагаас
Харайх: Удирдах, Хайлт
Өгөгдлийн сангийн систем

Өгөгдлийн сан буюу Өгөгдлийн бааз нь зохион байгуулалттайгаар хадгалсан өгөгдлийн цуглуулга. Өгөгдлийн санд хандах, засварлах болон нэмэхэд хялбар байдлаар хийгдсэн байдаг. Өгөгдлийн сан нь талбар (fields), бичилтүүд (records) болон файлаас (files) бүрддэг. Талбар гэдэг нь багана бүхий мэдээлэл бөгөөд бичилт нь нэг мөрөнд байгаа нийт мэдээллийг хэлдэг. Нийт оруулсан мэдээллээ нэр өгч сануулан, файл болгодог. Өгөгдлийн сан нь мэдээлэл хайх, статистик мэдээ гаргаж авахад хялбар байдгаараа давуу талтай.

Мэдээллийн үйлчилгээ үзүүлж буй газруудын хамгийн чухал зүйл бол өгөгдлийн сан байдаг. Тухайн үйлчлүүлэгчийн хүсэлтэд тохирох мэдээлэл тэнд байх ёстой учираас өөрийн үйлчилгээ, зорилгод нийцүүлэн өгөгдлийн сангаа системчилж, баяжуулж, хайхад илүү хурдан, юу ч хайсан олдохоор их мэдээлэлтэй, уян хатан гэх мэт хүчин зүйлсийг тусган зохион байгуулдаг. Энэ нь яг л номын сан шиг мэдээллийн сан юм. Вэб сайт, компьютерийн програм гэх мэт зүйлс ч мэдээллийн үйлчилгээ үзүүлэгч ангилалд орно. Тиймээс ихэнх цахим аппликэйшн, програм хангамжуудад database буюу өгөгдлийн сан гэсэн чухал ойлголт бий. Энэ нь дээр хэлсэнчлэн мэдээллийн сан юм.

Өгөгдлийн санг удирдах систем (ӨСУС)[засварлах | edit source]

Олон олон программууд өгөгдлийн сан гэдэг зүйлээ мөн олон олон аргаар шийдсэн байдаг. Жишээ нь энгийн текст файлын бүтэц дээр шийдсэн ч байдаг. Гэвч энэ нь дийлэнхдээ хугацаа болон нууцлал тал дээр доголдол үүсгэх явцгүй санаа юм.

Тиймээс зайлшгүй database management system буюу өгөгдлийн санг удирдах систем гэдэг зүйл байх шаардлагатай болдог. Энэ нь өгөгдлийг дэс дараалсан, эмх цэгцтэйгээр хадгалах, богино хугацаанд хайх, нууцлал хамгаалалтыг сайжруулах гэх мэт зүйлсийг автоматаар шийдэж өгсөн байдаг. Мөн бусад програмчлалуудтай чөлөөтэй уялдан ажилладаг, хөгжүүлэгчид хүндрэлтэй бус байх гэх мэт давуу талуудыг агуулдагаараа энгийн гар аргаар өгөгдлийн сангийн систем хийхээс хавьгүй илүү уян хатан, хүчирхэг сонголт болдог. Маш олон нэр төрлийн ӨСУС-ууд /программ хангамж/ байдагаас жишээ татвал: Active - MySQL , MS-SQL , PostgreSQL г.м. Cloud - MongoDB, Cassandra г.м. Embedded - Embedded InnoDB , SQLite г.м.

Холбогдох мэдээллийн баазын менежментийн систем (ХМБМС)[засварлах | edit source]

Холбогдох мэдээллийн баазын менежментийн систем (ХМБМС) нь IBM-ийн Сан Хосе Судалгааны лабораторийн Эдгар Ф.Кодд-ийн зохион бүтээсэн загвар дээр суурилсан өгөгдлийн сангийн менежментийн систем юм.

2017 онд түгээмэл хэрэглээний олон тооны өгөгдлийн сан нь өгөгдлийн сангийн загварт суурилсан байдаг1980-аад оноос эхлэн санхүүгийн бүртгэл, үйлдвэрлэлийн болон логистикийн мэдээлэл, боловсон хүчний мэдээлэл, бусад хэрэглээнд зориулж шинэ мэдээллийн санд мэдээллийн нөөцийг хадгалах нийтлэг сонголт болжээ. Харилцааны өгөгдлийн сан нь тэдгээрийг ойлгох, хэрэглэхэд хялбар учраас уламжлалт шаталсан өгөгдлийн сан болон сүлжээний сангуудыг ихэвчлэн сольсон байдаг. Гэвч холбогдох өгөгдлийн сан нь 1980-аад он, 1990-ээд онд объектын мэдээллийн баазын менежментийн системүүд (жишээ нь объект хандалтат програмын хоорондох объект хандалттай холбоогүй эсэргүүцэл гэх мэт), мөн түүнчлэн XML мэдээллийн сан менежментийн системийг 1990-ээд оны үед хэрэглэж байсан. Иймэрхүү оролдлого ч гэсэн ХАБДС-ийн хувьд олон жилийн туршид зах зээлд эзлэх байр сууриа хадгалсаар ирсэн.

Холбогдох мэдээллийн баазын менежментийн систем түүх[засварлах | edit source]

1974 онд IBM нь ХМБМС загварыг боловсруулах судалгааны систем болох R системийг хөгжүүлж эхлэв. Гэсэн хэдий ч, анхны худалдаанд гарсан ХМБМС нь Oracle корпорацийн 1979 онд Relational Software-ээр гарсан Oracle байсан юм. ХМБМС-ийн бусад жишээнүүд нь DB2, SAP Sybase ASE, Informix зэрэг болно. 1984 онд Макинтошын анхны ХМБМС хөгжүүлэгдэж эхэлжээ. Silver Surfer хэмээх нэртэй кодыг 1987 онд 4 дэх хэмжээc гэж нэрлэжээ.