Лиза Жеррард

Лиза Жеррард (Англи: Lisa Germaine Gerrard, 1961 оны 4 сарын 12-нд төрсөн) нь Австралийн ая зохиогч, дуучин, хөгжимчин эмэгтэй. Тэр Австралийн алтернатив рок хөгжмийн «Dead Can Dance (дуудлага нь: Дэд Кэн Дэнс)» хамтлагт Брендан Перритэй хамтран тоглодог байсан билээ.

Намтар

Лиза Жеррард 1961 оны дөрөвдүгээр сарын 12-нд Мельбурн хотноо төржээ. 1981 онд урлагийн гараагаа эхэлснээс хойш бие даасан 4 цомог 4 сингл, хамтлагаараа 8 цомог гаргасан бөгөөд «13 дахь дайчин(1999)», «Дотор хүн(1999)», «Гладиатор(2000)», «Биелэгдэшгүй даалгавар-2(2000)», «Али(2001)», «9/11(2002)», «Нарны нулимс(2003)», «Артур хаан(2004)», «Христийн тачаал(2004)», «Сөүлийн галт тэрэг(2005)», «Балибо(2009)» гэх мэт дэлхийн шилдэг олон кинонуудын хөгжмийг алдарт хөгжмийн зохиолч Ханс Циммерийн хамт бичсэн байна. «Гладиатор» киноны хөгжмийн бүтээлээрээ кино урлагийн Алтан бөмбөгцөг наадамд нэр дэвшиж байжээ. Хамгийн сүүлд тэрээр Австралийн найруулагч Тим Копегийн найруулсан «Чингис хааны түүхийн ул мөрөөр» баримтат киноны тайлбар уншсан ажээ.

Лиза Жеррард контральто буюу тенор, меззо-сопрана хоолойн өнгийн дундах өнгөөр дуулдаг.

Эшлэл

Холбоос