Генуя

Чөлөөт нэвтэрхий толь — Википедиагаас
Харайх: Удирдах, Хайлт
Генуя хот / Генуя суурин
ита. Genova / Comune di Genova
Хотын зураг
Сүлд туг
Сүлд тэмдэг
Туг Сүлд
Генуя is located in Итали
Генуя
Солбицол: 44°24′40″N, 8°55′58″E
Улс Flag of Italy.svg Итали
Муж (regione) Coat of arms of Liguria.svg Лигур
Аймаг (provincia) Генуя
Суурин (commune) Генуя
Газар нутаг  
 - Нийт 243.60 км²
Өндөр 20 м
Хүн ам  
 - Нийт (2011) 608,154[1]
 - Нягтрал 2,500/км²
Цагийн бүс UTC+1
 - Зун   UTC+2
Цахим сүлжээ: www.comune.genova.it

Генуя («е» нь өргөгдөж Гиэнуя гэж хэлэгдэнэ;[2] италиар Genova гэж бичээд Дуудлага [ˈdʒɛːnova] гэж дуудах нь монголоор Жээно-ва, Жиэно-ва гэж хоёр үеэр сонсдоно;[3]; лиг. Zena [ˈzeːna]; лат. Genua, Ianua; англ. Genoa; орос. Ге́нуя; саяхнаас Монголд Генуя-аас зайлж Женоа, Женова, Женов гэх санал гарах болсон; гэхдээ бичгийн дүрэм, бас бус зүйлийг бодвол кирилл монголоор Генуя, худам монголоор Женова гэж бичвэл зохино) — Итали улсын 6-р том хот.

Генуя нь "Хойд Италийн гурвалжин" (Милан-Турин-Генуя) гэж алдаршсан Италийн хамгийн ихээр аж үйлдвэржсэн нутгийн урд өнцөг, Итали улсын хамгийн их ачаалалтай далайн боомт хот юм. Урдуураа Газрын дундад тэнгисийн эх газарт тулсан хэсэг болох Лигурын тэнгисээр хүрээлэгдэх бөгөөд Аппенины нурууны өврөөр эргийн дагуу 30 км урт сунайн тогтсон байрлалтай.

Генуя хот нь Италийн засаг захиргаа-нутаг дэвсгэрийн хуваарь ёсоор Лигур мужийн Генуя аймгийн Генуя суурин (commune) гэж зүйлчлэгдэнэ. Улсын 3-р түвшний 8,100 нэгжийн нэг болох 43.6 км² нутагтай Генуя сууринд 2011 оны байдлаар 608,154 хүн оршин сууж байна.[4] Гарцаагүй Генуя хот буюу энэхүү "Генуя" нэрт сууринтай бөөрөөрөө нийлсэн өөр өөр нэртэй хэдэн суурин бий. Нийлүүлж тооцоход 800,709 хүн Генуя хотын бөөгнөрөлд аж төрөн суудаг аж.[5]

Генуя хотод төмөрлөг, хөлөг онгоц үйлдвэрлэл давамгай хөгжсөн. Европын 2-р том аквариум (цөөрмөг) болон дундад зууны үеэс өдийг хүрсэн уран баримал, уран зургаараа Генуя алдартай. Өмнөх мянган жилд далайн томоохон боомт, банк, зах зээлийн газар, хүчирхэг тэнгисийн флоттой бүгд найрамдах улсыг цогцлоож байсан түүхтэй. Генуяд төрсөн алдартнаас нэрлэвэл далайчин Христофер Колумб, Италийн эх оронч Жузеппе Маззини нар лав байна. 1860 онд Жузеппе Гарибальди Генуягаас 1000 цэрэгтэй далайд гарч Сицил аралд газардаад Хоёр Сицилийн вант улсыг буулган авснаар нэгдсэн Итали улс үүссэн.

Лавлах холбоос[засварлах]

  1. Total population referred to to the comune (or municipality), rather than the extended urban area. Notiziario statistico del Comune di Genova – Andamento della popolazione al 31 dicembre 2009 (Statistical report of Genoa Municipality at december 31, 2009)
  2. Орос, Украйнаар Генуя гэх үгийг хэлсэн авиа
  3. Италиар Genova гэх үгийг хэлсэн авиа
  4. Total population referred to to the comune (or municipality), rather than the extended urban area. Notiziario statistico del Comune di Genova – Andamento della popolazione al 31 dicembre 2009 (Statistical report of Genoa Municipality at december 31, 2009)
  5. Urbanismi in Italia, 2011