"New York Times" сонин

"The New York Times" сонин монгол хэлээр уламжлалт ёсоор «Нью-Йорк таймс» гэж бичдэг — 1851 оны 9-р сарын 18-наас Нью-Йорк хотод хэвлэгдэж байгаа америкийн өдөр тутмын сонин.

Уг сонин АНУ дотроо хэвлэгдэж буй тоогоороо "USA Today", "The Wall Street Journal " сонинуудын араас ордог бөгөөд энэ үзүүлэлтээрээ дэлхийд 40-р ордог сонин юм. «Нью-Йорк таймс» сонины цахим хувилбар нь хамгийн алдартай мэдээллийн цахим хуудас гэгддэг бөгөөд сард дунджаар 30 сая хүн ханддаг байна. Сонины уриа нь «Хэвлэгдэх эрхтэй бүх мэдээлийг түгээнэ» (англи. All the News That’s Fit to Print).

1970-аад оны дунд үеэс тус сонин сэдвээ ихээхэн өргөжүүлж, мэдээллийнхээ бүтцийг өөрчилсөн бөгөөд долоо хоног бүр тогтмол мэдээ, нийтлэл, спортын мэдээг нөхөх янз бүрийн сэдвээр тусгай буланг нэмж оруулсан байна. Дараа нь "Мэдээ", "Тойм", "Бизнес", "Спорт", "Шинжлэх ухаан", "Урлаг", "Загвар", "Нүүр хуудас", "Нью-Йоркийн мэдээ" болон бусад хэсгүүдэд хуваагдан хэвлэгдэх болсон. Нью Йорк Таймс сонин хэдэн жилийн турш том форматтай сонин хэвээр үлдэж (бусад сонинууд хэлбэрээ шар хэвлэл болгон өөрчилсөн) 8 булантай байсан бол ихэнх сонинууд баганын тоог 6 болгон бууруулсан юм. Мөн Нью Йорк Таймс өнгөт гэрэл зургийг нүүрэн хуудсан дээр ашиглаж ирсэн сүүлийн сонинуудын нэг байв.

Түүх

**"The New York Times" сонины** төв байр-цамхаг

Нью-Йорк Таймс сонинг 1851 оны 9-р сарын 18-нд сэтгүүлч, улс төрч, хожим Виг намын гишүүн, Бүгд найрамдах намын Үндэсний хорооны хоёрдугаар дарга асан Хенри Жарвис Рэймонд (англи. Henry Jarvis Raymond, 1820–1869) банкир Жорж Жонс нар "New-York Daily Times" нэртэйгээр анх үүсгэн байгуулжээ. Удалгүй тэд сониноо хямдхан зарсан байна.

Тус сонин 1857 онд нэрээ богиносгож "Нью-Йорк Таймс" болгожээ. 1890-ээд онд хотын нэрний дундах зураасыг мөн хассан байна. 1861 оны 4-р сарын 21-нд Нью-Йорк Таймс сонин Даваа-Бямба гарагуудад гарч байсан анхны хуваариаасаа татгалзаж, бусад томоохон өдөр тутмын сонинуудтай нэгдэн Ням гарагийн дугаар нэмж, "Иргэний дайны" тухай өдөр бүр мэдээлдэг болжээ.

Тус сонины нөлөө 1870-1871 онд тус хотын Ардчилсан намын дарга Уильям Твидийг илчилсэн цуврал нийтлэл нийтлүүлснээр улам бүр нэмэгджээ.

1940-өөд онд Нью Йорк Таймс сонин хамрах хүрээгээ өргөжүүлсээр байв. 1942 онд сонинд "үгийн сүлжээ" тогтмол гарч эхэлсэн бөгөөд 1946 онд хувцасны загварын булан гарч ирэв. The New York Times сонины олон улсын хувилбар 1946 онд хэвлэгдэж эхлүүлээд 1967 онд зогсоосон байна.

2009 онд "The New York Times" сонин нь АНУ-д дотроо "USA Today", "The Wall Street Journal"-ын дараа хамгийн их хувь гардаг гурав дахь сонин байв. Уг сонин нь Адольф Охсын үр удам (ялангуяа Сульцбергерийн гэр бүл) голлох үүрэг гүйцэтгэдэг "The New York Times" компани эзэмшдэг болсон. 2009 онд сонины эргэлт 7.3 хувиар буурч, 928 мянга болсон; Энэ нь 1980 оноос хойш анх удаа эргэлт нэг саяас доош буурсан үзүүлэлт байсан юм. 2010 оны 12-р сарын 26-нд тус сонины ажлын өдрийн 906 мянга 100, ням гарагт 1 сая 356 мянга 800 ширхэг хэвлэгдэн гарсан тухай мэдээлсэн. Нью-Йорк хотын дүүрэгт нэг сонин даваа-бямба гаригт 2.50 доллар, ням гарагт 5 долларын үнэтэй байдаг. Нью-Йорк Таймс сонин нь төв байртай төдийгүй Нью-Йорк хотын дүүргүүдэд 16 мэдээллийн товчоо, улс даяар 11 мэдээллийн товчоо, гадаадад 26 мэдээллийн товчоотой ажээ.

Цахим хувилбар

The New York Times сонины цахим хувилбар 1996 онд гарч, тэргүүлэгч газруудын нэг бөгөөд шилдэг вэбсайт болсон юм. Сонины зарим агуулгад хандахын тулд бүртгүүлэх шаардлагатай боловч зарим тохиолдолд энэ үйл явцыг "Times RSS" мэдээллийн сувгаар орох боломжтой. Энэ вэбсайт нь 2005 оны 3-р сарын байдлаар 555 сая хүн үзсэн байна. Compete.com-ийн судалгаагаар 2008 оны байдлаар "nytimes.com" домэйн жил бүр дор хаяж 146 сая зочин орсон байна. Нью Йорк Таймс сонины вэбсайт нь 2009 оны 3-р сарын байдлаар 20 сая гаруй өвөрмөц зочинтойгоор өвөрмөц зочдын тоогоор 59-р байранд орсон нь аливаа сонины хамгийн их зочилдог сайт болсон юм. Нэмж дурдахад 2009 оны 5-р сарын байдлаар nytimes.com хамгийн алдартай 50 сонины блогоос 22-ыг нь гаргажээ.

2012 онд The New York Times сонин хятад хэл дээрх cn.nytimes.com мэдээллийн сайтыг нэвтрүүлсэн. Мөн оны 10-р сарын 15-нд Нью-Йорк Таймс сонин ирэх жил португал хэл дээрх мэдээллийн сайтыг нэмнэ гэж зарлаад ашиглалтанд оруулжээ.

Хөдөлгөөнт хувилбар

"The Times Reader" бол The New York Times сонины дижитал хувилбар юм. Энэ нь New York Times сонин, Microsoft хоёрын хамтын ажиллагааны үр дүнд бий болсон. Times Reader нь хэвлэмэл сэтгүүл зүйн зарчмуудыг авч, онлайн мэдээлэлд ашигладаг юм. Times Reader нь Майкрософт болон тэдний Windows Presentation Foundation-ийн багийн боловсруулсан хэд хэдэн технологийг ашигладаг байна.

2010 оны 10-р сарын байдлаар New York Times iPad програмыг үнэгүй ашиглах боломжтой, захиалгын хураамжгүй, зар сурталчилгааг дэмждэг.

Мөн 2010 онд тус сонин Android үйлдлийн системтэй ухаалаг гар утсанд зориулсан аппликейшн гаргасан байна.

Сонины эзэмшигч

1896 онд Адольф Окс ашиггүй Нью Йорк Таймс сониныг худалдан авч "Нью Йорк Таймс" компанийг байгуулжээ. Түүнээс хойш алдартай Очс-Сульцбергер сонины угсааны гэр бүл үүссэн. 1960 онд компанийг олон нийтийн болгосны дараа гэр бүл нь сонины хяналтыг үргэлжлүүлж, "В" ангиллын хувьцааны хяналтын багцыг эзэмшдэг байсан. Энэхүү хос систем нь хувьцаа эзэмшигчид нь компанийг нийтэд ил болсны дараа үргэлжлүүлэн хянах боломж олгодог байна.