Аомори (аймаг)

Энэ аймгийг адил нэрт хотоос нь ялган таниарай.

Япон улсын нэгдүгээр зэргийн дөчин долоон нутгийн нэг Аомори аймаг 青森県 → Аомори-кэн Сүлд тэмдэг Улс Япон Бүс, муж Тохокү Нэгж, зүйл кэн (аймаг) Аймгийн төв Аомори Нутгийн хуваарь 18 нутаг = 10 хот + 8 хошуу Газар нутаг 9,644.74 км² Хүн ам (2014) 1,332,587 хүн Нягт сийрэг 138 хүн/км² Аоморигийнхан Япон үндэстэн (≤100%) Цагийн бүс Японы цаг (ГЦ+9) Цахим газар pref.aomori.lg.jp

Япон улсын засаг захиргааны нэгдүгээр зэргийн 47 нутгийн нэг Аомори аймаг (Япон: 青森県 – ао мори кэн) Тохокү мужид байрлаж, Хоншү арлын умард үзүүрт оршдог. 9.6 мянган км² нутаг дэвсгэр, 1.3 сая хүн амтай. Засаг захиргааны төв нь Аомори хот. Акита, Иватэ хоёр аймагтай газраар хиллэж, Хоккайдогоос хоолойгоор зааглагдана.

Түүх

Дэлхийн өв газар – Шираками (Цагаан бурхан) уулын хөвч нуруу

Аомори аймгийн нутаг 1868 оны Мэйжигийн шинэчлэлээс өмнө Фүкүшима, Иватэ, Мияги, Аомори нутгийг бүхлээр, Акита аймгийн зарим нутгийг багтаасан өргөн уудам Мүцү газрын умард хэсэг байв. Эдогийн үед Хиросаки овогтон далайн боомт барьсан нь одоо Аомори хот болжээ. Хажуухнаас нь унагаж боомт руу аваачдаг байсан нэгэн зүйл модыг «аомори» гэдэг байсан нь энэ газрын нэр болжээ. 1871 онд тус аймаг байгуулагдаж, 1889 онд Аомори балгас үүсч, 1898 онд 20 мянган хүнтэй болоод Аомори хот гэдэг зэрэг авчээ. 1945 онд Аомори хот Америкт бөмбөгдүүлж өнгөрсөн. 1951 онд радио, 1858 онд төмөр замтай болж, 1985 онд Сейкан хонгил баригдаж Хоншү, Хоккайдог усан доогуур холбосон.

Газар зүй

Галт уулын тогтоцтой Товада хэмээх сайхан нуур бий.

Хот

Аоморигийн доор 10 хот (ши) нутаг байна.

• Аомори (төв)
• Гошогавара
• Күройши
• Мисава
• Мүцү

• Товада
• Цүгарү
• Хачинохэ
• Хиракава
• Хиросаки

Хошуу

Аоморид 8 хошуу (гүн) нутаг, тэдгээрийн 22 балгас (мачи) бий.

• Камикита
• Китацүгарү
• Минамицүгарү
• Накацүгарү

• Нишицүгарү
• Саннохэ
• Хигашицүгарү
• Шимокита

Цахим холбоос

 Commons: Aomori prefecture – Викимедиа зураг, бичлэг, дууны сан