Бадам-Очирын Пунсалдулам
 | Энэ өгүүлэлд цэвэрлэгээ шаардлагатай байна. Та үүнийг цэвэрлэж Монгол Википедиад хувь нэмрээ оруулж болно. |
Бадам-Очирын Пунсалдулам (Өвөрхангай аймгийн Нарийнтээл суманд 1992 онд төрсөн) -Монгол Улсын Даяар дуурсах мэргэн цолтой “Их Монголын харвуул” харваачдын нэгдсэн холбооны харваач.
1999 онд Нарийнтээл сумын ЕБС-д элсэн орж 2003 оноос анх тус сургуулийн биеийн тамирын багш С.Ууганзаяагийн удирдлаган доор үндэсний сурын спортоор хичээллэж эхэлсэн. Хичээллэсэн жилдээ Өвөрхангай аймгийн баяр наадмын үндэсний сурын хүүхдийн харваанд түрүүлснээр амжилтын буйхиа эхэлсэн. Мөн Өвөрхангай аймгийн баяр наадмын үндэсний сурын харваанд 1 удаа түрүүлэн аймгийн мэргэн цол хүртсэн. 2009 оноос аймгийн мэргэн, спортын мастер Б.Жалбаа багшийн удирдлаган доор үндэсний сурын харваагаар үргэлжлүүлэн хичээллэж улсын чанартай тэмцээнүүдэд тогтмол оролцож эхэлсэн.
Улсын баяр наадамд 2010 оноос хойш буюу 14 дэх жилдээ харваж байна. Физикийн багш мэргэжилтэй.
2016 онд Ардын хувьсгалын 95 жилийн ой, үндэсний Их баяр наадмаар 1 дүгээр байранд орж Монгол улсын мэргэн цол хүртсэн. Тухайн жилдээ Хүрээ цам даншигт түрүүлж Даншигийн мэргэн, 2020 онд буриад сурын мэргэн, 2022 онд Ардын хувьсгалын 100,101 жилийн ойд түрүүлэн Монгол улсын даян мэргэн цол хүртсэн.
2024 оны Их баяр Наадмаар Монгол Улсын даяар дуурсах мэргэн цол тус тус хүртсэн.