Владимир Высоцкий

Владимир Семёнович Высоцкий (Орос: Влади́мир Семёнович Высо́цкий, 1938 оны 1 сарын 25 нд Москва хотод төрсөн— 1980 оны 7 сарын 25-нд Москва хотод нас барсан) нь ЗХУ-ын дуучин, ая зохиогч, яруу найрагч, жүжигчин байв.

Владимир Высоцкий, 1979 он

Яруу найрагчийн хувьд Высоцкий өөрийн зохиосон дууны төрөлд амжилт олсон. Түүний бичсэн анхны бүтээлүүд 1960-аад оны эхэн үеэс эхтэй. Эхэндээ тэрээр найз нөхдийнхөө хүрээнд дуулж тоглодог байсан бөгөөд дараа нь түүний баргил хоолойн дуунууд хаалттай байсан учраас хувийн соронзон хальсны бичлэгийн ачаар улс даяар тархаж алдартай болсон. Высоцкийн яруу найраг нь янз бүрийн сэдвээр (гудамж, хуаран, цэргийн, хошин, өдөр тутмын, үлгэр, "спортын" дуунууд), дууны үгний хурц байдал, зохиолчийн нийгэм, ёс суртахууны байр суурийг онцолж байв. Онцгой нөхцөл байдалд орсон хүмүүсийн дотоод сэтгэлийн сонголтын тухай өгүүлдэг түүний бүтээлүүдээс оршихуйн сэдлийг олж харсан болно. Высоцкийн бүтээлч хувьсал хэд хэдэн үе шатыг туулсан. Түүний анхны ажилд "гудамж, орцны" дуунууд давамгайлдаг байв. 1960-аад оны дунд үеэс эхлэн бүтээлүүдийн сэдэв өргөжиж, дууны мөчлөгүүд шинэ "Оросын амьдралын нэвтэрхий толь" болж эхэлжээ. 1970 -аад онд Высоцкийн бүтээлийн нэлээд хэсэг нь шашин шүтлэг, гүн ухааны шинж чанартай дуу, шүлгээс бүрддэг байсан тул яруу найрагч мөнхийн асуултуудад ханддаг байжээ.

Театрын үйл ажиллагаа нь 1960 онд "Малый театр"-ын дэргэдэх сургууль төгсөөд эхэлсэн бөгөөд Таганка дахь театртай холбоотой. Уг театрт тэр Галилей (жүжиг «Галилейгийн амьдрал», 1966, Хлопуша («Пугачёв», 1967), Гамлет («Гамлет», 1971), Лопахин («Интоорын цэцэрлэг», 1975), Свидригайлов («Гэм ба зэм», 1979) зэрэг дүрүүдийг бүтээсэн байна.

Кинонд Высоцкий анх 1959 онд «Үе тэнгийнхэн -/орос. Сверстницы/» кинонд жижигхэн туслах дүрд тоглож амьдралын туршид нийт 25 гаруй уран сайхны кинонд тоглосон юм. Эдгээрэс хамгийн алдартай нь цагдаагийн ахмад Жегловын («Уулзах газрыг өөрчилж болохгүй / орос. Место встречи изменить нельзя», 1979 он) дүр юм,

Зөвлөлтийн үед түүний дууг хориголдог байсан бөгөөд түүнийг 1980 онд нас барсаны дараа 1980-аад оны хоёрдугаар хагасаас дуунуудыг нь чөлөөтэй сонсдог болжээ.

Шагнал[засварлах | кодоор засварлах]

Цахим холбоос[засварлах | кодоор засварлах]

 Commons: Vladimir Vysotsky – Викимедиа зураг, бичлэг, дууны сан