Давид Бен-Гурион

Давид Бен-Гурион
	Давид Бен-Гурион ; еврей. ‏דָּוִד בֶּן-גּוּרִיּוֹן
	;
	Израил Улсын Ерөнхий Сайд
	Албан тушаал хашсан; 1955 оны 11 сарын 3 – 1963 оны 6 сарын 26
Ерөнхийлөгч	Ицхак Бен-Цви ; Залман Шазар
Өмнөх	Моше Шарет
Дараах	Леви Эшкол
	Албан тушаал хашсан; 1948 оны 5 сарын 17 – 1954 оны 1 сарын 26
Ерөнхийлөгч	Хаим Вейцман ; Ицхак Бен-Цви
Өмнөх	Албан тушаал үүссэн
Дараах	Моше Шарет
	Израилын түр Засгийн газрын дарга
	Албан тушаал хашсан; 1948 оны 5 сарын 14 – 1948 оны 5 сарын 16
Өмнөх	Албан тушаал үүссэн
Дараах	Хаим Вейцман
	Израилын Батлан Хамгаалахын Сайд
	Албан тушаал хашсан; 1955 оны 2 сарын 21 – 1963 оны 6 сарын 26
Өмнөх	Пинхас Лавон
Дараах	Леви Эшкол
	Албан тушаал хашсан; 1948 оны 5 сарын 14 – 1954 оны 1 сарын 26
Өмнөх	Албан тушаал үүссэн
Дараах	Пинхас Лавон
Төрсөн	1886 оны 10 сарын 16 ; Плоньск, Оросын эзэнт гүрэн
Нас барсан	1973 оны 12 сарын 1 (87 насалсан); Рамат-Ган, Израил
Улс төрийн нам	Мапай
Гэр бүлийн хүн	Паула Бен-Гурион
Хүүхэд	3
Төгссөн сургууль	Истанбулын Их сургууль
Гарын үсэг

Давид Бен-Гурион (Еврей хэл: דָּוִד בֶּן-גּוּרִיּוֹן‎, Давид Грюн (идиш. ‏דוד יוסף גרין‏‎); 1886 оны 10 сарын 16 - 1973 оны 12 сарын 1) нь өнөөдрийн Израил улсыг үндэслэгчдийн нэг, Израил улсын анхны ерөнхий сайд. Тэрээр 1935 оноос 1948 онд Израил улс байгуулагдах хүртэл Палестин дахь еврей нийгэмлэгийн тэргүүлэгч удирдагч байсан бөгөөд Израил улсыг 1954–55 онд богино хугацааны завсарлагаатай 1963 он хүртэл удирджээ.

Бен-Гурион хожим Польшийн бүрэлдэхүүнд орсон Оросын эзэнт гүрний Плонск хотод 1886 онд төржээ. Бага наснаасаа тэрээр Израиль, Еврей нутгийг онцгой мэдрэмжтэй байсан. Түүний аав Плонск дахь Ховевей Сион хөдөлгөөний идэвхтэн байжээ. Давид бага наснаасаа эхлэн еврей хэл зааж, залуучуудыг эх орон руугаа буцаах ажилд бэлтгэж байжээ.

1906 онд Палестинд нүүж ирсэн байна.

1910 онд Бен-Гурион Поали Сион-Ахдут намын Иерусалимын хэвлэлийн газрын редактороор ажиллаж байв. Тэрээр анхны нийтлэлдээ Ромын эзэнт гүрний легионуудын эсрэг дайнд Иерусалимын сүүлчийн хамгаалагчдын нэг байсан "Бен-Гурион" хэмээх нууц нэрээр гаргасан байна.

1911 оны 11-р сарын 7-нд Бен-Гурион Салоникид ирсэн бөгөөд Турк хэл сурч, дараа нь Истанбулд хуулийн чиглэлээр суралцахаар төлөвлөжээ. Бен-Гурион Палестины еврейчүүд Туркийн иргэншлийг хүлээн зөвшөөрч, эзэнт гүрний төрийн байгууллагуудаар дамжуулан эрх ашгийнхаа төлөө тэмцэх ёстой гэж үзэж байв. Тэрээр Туркийн парламентын депутатад нэр дэвшиж, сонгогдвол Палестин дахь еврейн төрт ёсны хөгжилд хувь нэмрээ оруулах зорилготой байв.

Тэрээр 1912 онд Станбулын Их сургуулийн хуулийн ангид амжилттай элссэн байна.

Дэлхийн нэгдүгээр дайн дууссаны дараа Бен-Гурион Израилийн нутагт еврейчүүдийн бие даасан өөрийн гэсэн бүтцийг бий болгох зорилго тавьсан бөгөөд энэ нь еврейчүүдийн суурьшлын түшиц газар болох ёстой байсан ажээ.

1930 онд "Ахдут ха-Авода" болон "ха-Поэль ха-Цаир" гэдэг улс төрийн намууд нэгдэж 1933 онд Израилийн газар нутгийн хөдөлмөрчдийн – МАПАЙ нам байгуулжээ.

1946-1948 он хүртэл - Бен-Гурион Еврейн хамгаалалтын хүч (арми) байгуулах, олон улсын дипломат үйл ажиллагаанд өөрийгөө зориулжээ. 1948 оны 5-р сарын 14-нд Бен-Гурион улс байгуулагдсанаа тунхаглаж, 1949 оны 1-р сарын 25-нд болсон сонгууль хүртэл ажилласан түр Засгийн газар байгуулжээ.