Жадамбын Нэхийт

Чөлөөт нэвтэрхий толь — Википедиагаас
Jump to navigation Jump to search
Жадамбын Нэхийт
Төр. он 1914 он
Тө. газар Монгол улсын Булган аймгийн Сайхан сум
Нас бар. 1983 оны 7 сарын 23
      (69 насалсан)
Үндэстэн Монгол үндэстэн
Иргэн Flag of Mongolia.svg Монгол
Ажил цэргийн зүтгэлтэн

Жадамбын Нэхийт - БНМАУ-ын Улсын баатар хилчин.

Намтар[засварлах | edit source]

  • 1934-36 онд Булган аймгийн ЦС-д цагдаа
  • 1936-39 онд Эрдэнэцагааны отрядад цэрэг, бага дарга, жагсаалын дарга
  • 1939-53 онд хилийн 5, 6, 24-р отрядод заставын дарга, сумангийн туслах, сумангийн дарга
  • 1953-77 онд УБ-ын нисэх онгоцны байцаан өнгөрүүлэх, Сэлэнгийн байцаан өнгөрүүлэхэд шалгагч, тасгийн даргаар ажиллажээ.

1940-52 он нь Монгол улсын баруун хилд Осман, Гомендааны дээрэмчдийн цуст халдлага, дээрэм тонуул, зэвсэгт түрэмгийлэл идэвхижин өрнөсөн, оршин суугчид хилчдийн хувьд амь өрссөн жилүүд байв. Хилийн мөргөлдөөн, дээрэм тонуулгүй өдөр тун цөөн байсан, хүнд хэцүү он жилүүдэд улсын хил хамгаалах үүргээ нэр төртэй биелүүлж, олон удаагийн тулгаралт, байлдаануудад дайсны гүнд тагнуул хийхэд оролцон, өөрийн хатан зориг, тэвчээр хатуужил, онцгой тайван байдал, мэдрэмжээрээ ямагт ялан дийлж байв. 30 гаруй байлдаан, тулгаралтад орсны заримаас нь дурдвал:

  • 1944 оны намар Гомендааны хороо цэрэгтэй заставын давуу хүчээр байлдсан
  • 1945 онд Ховдын Булганы чиглэлээр довтолсон Гомендааны ихээхэн хүчний эсрэг 2 салаа цэргийн хүчээр 3 хоног хориглон байлдсан
  • 1947 оны 5-р сард Байтагбогдод Гомендаан, Осваны 500 гаруй дайсанд цөөхүүлээ бүслэгдэн, дайсанд ихээхэн хохирол учруулж гарсан
  • 1947.6.9-д Гомендааны 100 гаруй цэрэг Улиастайгаар довтолоход сөрөг давшилт хийн бут цохьсон
  • 1948.6.2-д Мэргэн ууланд байлдсан г.м. үргэлжилнэ.

Түүнийг удирдаж явсан отрядын дарга Ш.Зонров: “1950 он дуустал Осван, Гомендааны дээрэмчидтэй явуулсан тэмцэлд Нэхийтийн удирдлага, бие оролцоогүй тийм тулалдаан бараг байхгүй. Тэр дайсантай тулалдахдаа айхыг мэддэггүй баатарлаг зоригтой” гэсэн бол мөн түүнийг удирдаж явсан Бямбаа “. . . Баатарлаг гавъяатай, аймшиггүй ганболд зүрхтэйгээр тэмцэж явсанд түүний гавъяа нь байдаг юм” гэгчлэн тодорхойлжээ.

Гавьяа Шагнал[засварлах | edit source]

  • АИХТ-ийн 1962.7.13-ны 138-р зарлигаар Улсын баатар цол олгосон.
  • Сүхбаатарын одон
  • Байлдааны гавьяаны улаан тугийн одон
  • Байлдааны гавьяаны одон
  • “Алтангадас” одон
  • “Онц ба Хүндэт хилчин”
  • Байлдааны ба ойн медалиудаар шагнагдсан, ХТАЗ, хошууч юм.

Гэгээн дурсгал[засварлах | edit source]

Монгол Улсын Засгийн Газрын 1998.9.9-ий 169-р тогтоолоор олон жил алба хааж байсан Сэлэнгэ аймаг дахь хилийн шалган нэвтрүүлэх отряд /0101-р анги/-ыг түүний нэрэмжит болгожээ.