Жамъянхорлоогийн Сүхбаатар

Чөлөөт нэвтэрхий толь — Википедиагаас
Jump to navigation Jump to search
Ж.Сүхбаатар.jpg

Flag of Mongolia.svg Монгол улс Жамъянхорлоогийн Сүхбаатар (1975 онд Дархан хотод төрсөн) нь Монгол Улсын Их Хурал-д 33 настайдаа сонгогдсон бөгөөд Монгол Улсын төр, захиргааны дээд байгууллагуудад 16 жил ажилласан туршлагатай улс төрч юм.

2008-2012 он. Дархан-Уул аймгаас УИХ-ын гишүүнээр сонгогдсон

Боловсрол[засварлах | edit source]

1993 он Дархан хотын 10 жилийн 3 дугаар сургууль

1997 он Монгол Улсын Их Сургуулийг төгссөн. Хууль зүйн ухааны магистр, докторант

Ажлын туршлага[засварлах | edit source]

1997-2005 он "Улаанбаатар Эрдэм" Хууль зүйн сургуульд багш, Ахлах багш, Тэнхимийн орлогч эрхлэгч

1997-1999 он УИХ-ын гишүүний туслах

1999-2001 он УИХ дахь МАХН-ын бүлгийн ажлын албанд Хуулийн бодлогын зөвлөх

2001-2006 он Монгол Улсын Сонгуулийн Ерөнхий Хороо гишүүн, Нарийн бичгийн дарга

2006-2008 он Монгол Улсын Засгийн Газар-ын Хэрэг эрхлэх газрын Тэргүүн дэд дарга

2008-2012 он Монгол Улсын Их Хурал-ын гишүүн (Дархан-Уул аймаг)

2010-2012 он УИХ-ын Төрийн Байгуулалтын Байнгын Хорооны дарга

2012-2013.10 сар МАН-ын Нарийн бичгийн дарга

2016.03-11 сар МАХН-ын Ерөнхий нарийн бичгийн дарга

Хэрэгжүүлсэн ажлууд[засварлах | edit source]

Монгол төрийн бэлгэ тэмдэг Төрийн далбаандаа хүндэтгэлтэй хандах, түүхт ёс, түүхэн уламжлалаа нандигнан өвлөх, үндэсний эв нэгдлийг бэхжүүлэх зорилгоор "Төрийн далбааны өдөр"-ийг жил бүрийн 7 сарын 10-ны өдөр тэмдэглэх хуулийг УИХ-ын гишүүн Ж.Сүхбаатар, С.Бямбацогт, Ц.Дашдорж нар 2008 онд санаачлан батлуулжээ.

Сонгуульт ажил[засварлах | edit source]

2010-2012 он Монголын Бодибилдинг, Фитнессийн нэгдсэн холбооны ерөнхийлөгч

Ном бүтээл[засварлах | edit source]

"Харьцуулсан эрх зүй судлал" 2000 он

"Монгол Улсын захиргааны эрх зүй" 2000 он

"Монгол Улсын захиргааны эрх зүй" хичээлийн гарын авлага 2003 он

"Хөгжил дэвшлийн төлөө засаг төр юу хийх вэ" 2008 он

“Өрнөдийн орнуудын захиргааны эрх зүйн тойм” (Франц, Герман, Их Британи, АНУ) 2015 он

Номын хураангуй: Сүүлийн 20 гаруй жил Монгол улс нэг намын үзэл суртал хуваарьгүй ноёрхсон захиргаадан тушаадаг хуучин нийгэм-улс төрийн тогтолцооноос хүний эрхийг дээдлэн хүндэтгэдэг, олон эшт үзлийг хүлээн зөвшөөрдөг, төрийн зохицуулалт бүхий хувийн хэвшил давамгайлсан зах зээлийн эдийн засгийг баримжаалсан нийгмийн тогтолцоо руу шилжих ээдрээт цаг үеийг туулж байна. Энэ явцад нийгмийн амьдралд олон цоо шинэ үзэгдэл, харилцаа бий болон үүсч байна. Тодруулбал, бидний уламжлалт ойлголт, хувьсан өөрчлөгдөж буй нэр томьёонуудыг онол-практиктийн шинэ хандлага, шаардлагын улмаас шинээр авч үзэх, тодорхойлоход гадаад орнуудын захиргааны эрх зүйн шинжлэх ухааны ололтыг судлан ашиглах явдал тулгамдсан асуудал юм.

Уг номыг харьцуулсан захиргааны эрх зүйн гарын авлагын чанартай ашиглахад тохиромжтойг бодолцон захиргааны эрх зүйн хөгжлийн өвөрмөц түүх, соёлын өндөр төвшинг харуулж чадах "эх газрын захиргааны эрх зүйн тогтолцоот" улс орнуудаас Франц, Германыг "англосаксоны захиргааны эрх зүйн тогтолцоот" улс орнуудаас Их Британи, АНУ-ыг тус тус төлөөлүүлэн тоймлон авч үзжээ.

Мөн эрдэм шинжилгээний болон бусад өгүүлэл, нийтлэл 20 гаруйг хэвлүүлжээ. 

Цахим мэдээллүүд[засварлах | edit source]

2011 оны Азийн Бодибилдинг, Фитнессийн аварга шалгаруулах тэмцээн. Улаанбаатар хот

Гадны холбоосууд[засварлах | edit source]