Загасч явлаг

Загасч явлаг
	; Хойд Америкийн дэд зүйл
Ховордолтын зэрэглэл
	; Ховордоогүй (IUCN3.1)
Биологийн ангилал
Аймаг:	Амьтан;
Хүрээ:	Хөвчтөн;
Анги:	Жигүүртэн;
Баг:	Харцагатан;
Овог:	Pandionidae; Филип Склэйтэр & Осберт Салвин, 1873
Төрөл:	Pandion; Savigny, 1809
Зүйл:	P. haliaetus;
Латин нэр
	Pandion haliaetus; (Линней, 1758)
	;

Загасч явлаг (Pandion haliaetus), заримдаа тэнгисийн бүргэд гэгдэх энэ шувуу нь өдрийн амьдралт, загас идэгч махчин шувуу юм. Гадаад орчинтойгоо зохицон, тэсвэрлэх чадвар сайтай тул Антарктидаас бусад бүх тивд, усны ойролцоо газар тархан амьдардаг. Өмнөд Америкт нүүдлийн үедээ таарна.

Гадаад төрх

Биеийн урт нь 60 см, далавчаа дэлгэхэд 1.8 м ба 0.9-2.1 кг жинтэй, толгой, гэдэс хэсэг нь цагаан саарал өнгө давамгайлсан, нүдний орчим болон далавч нь хар өнгөтэй, хар хошуутай.

Эмэгчин, эрэгчин төстэй боловч, нас бие гүйцсэн эрэгчин нь арай нарийн бие, далавчтай юм.

Зан авир

Идэш тэжээл

Тэдний хоол тэжээлийн 99% нь загас болно. Голдуу 150–300 гр, 25–35 см урттай загас барьж идэх ба 2 кг хүртэл том загас барьж идэх нь ч бий.

Мөн зарим тохиолдолд мэрэгч, туулай, хоёр нутагтан, бусад шувуугаар хооллодог.

Үржил

Загасч явлаг нь голдуу нэг хостойгоо амьдралаа өнгөрөөнө. Эмэгчин нь 6.2х4.5 см, 65 гр жинтэй 2 өндөг гаргана. 5 долоо хоног дарж ангаахай гардаг байна.