Игорь Шалимов
 | |||
| Хувийн мэдээлэл | |||
|---|---|---|---|
| Бүтэн нэр | Игорь Михайлович Шалимов | ||
| Өндөр | 1.82 м | ||
| Байрлал | Хагас хамгаалагч | ||
| Өсвөрийн баг | |||
| 1976–1980 | Локомотив Москва | ||
| 1980–1986 | Спартак Москва | ||
| Мэргэжлийн замнал* | |||
| Он | Баг | Гараа† | (Гоол)† |
| 1986–1991 | Спартак Москва | 95 | (20) |
| 1991–1992 | Фожжиа | 33 | (9) |
| 1992–1994 | Интернационал | 50 | (11) |
| 1994–1995 | Дуйсбург | 21 | (0) |
| 1995–1996 | Лугано | 12 | (4) |
| 1995–1996 | Удинезе | 20 | (0) |
| 1996–1998 | Болонья | 34 | (5) |
| 1998–1999 | Наполи | 19 | (2) |
| Шигшээ баг | |||
| 1990–1991 | ЗХУ | 20 | (2) |
| 1992 | ТУХН | 4 | (0) |
| 1992–1998 | Орос | 23 | (3) |
| Дасгалжуулсан багууд | |||
| 2001–2002 | Краснознаменск | ||
| 2003 | Уралан Элст | ||
| 2008–2011 | Орос (эмэгтэй) | ||
| * Мэргэжлийн замналын тоглолтын (гоол) үзүүлэлтийг дотоодын лигтэй нь уялдуулсан болно. † Гараа (Гоол). | |||
Игорь Михайлович Шалимов (1969 оны 2 сарын 2-нд Москвад төрсөн) нь Орос, Зөвлөлтийн хөлбөмбөгч юм. Хагас хамгаалагчийн байрлалд тоглодог байв.
Шалимов мэргэжлийн хөлбөмбөгийн замналаа Спартак Москва багаас эхэлжээ. Спартакт хэдэн амжилттай улирлыг үдсэний дараа Италийг зорьж, Фожжиа багт тоглох болов. Шинэ багтаа 1 улиралд тоглохдоо Италичуудад өөрийгөө хангалттай таниулж, алдарт Интер Милан багт уригдан очив. Тэрээр мөн Италийн Сери А-гийн Болонья, Удинезе, Наполи, Германы Дуйсбург, Швейцарийн Лугано багуудад тоглож байлаа.
Шалимов ЗХУ-ын шигшээ багийн бүрэлдэхүүнд багтаж, 1990 оны ДАШТ-д оролцсон. Зөвлөлт Холбоот Улс задарсны дараа Шведэд зохиогдсон Европын АШТ-д ТУХН гэсэн нэрээр оролцоход мөн шигшээ багтаа багтаж тоглосон. 1994 оны ДАШТ-д Павел Садырины удирдлага дор тоглохоос татгалзсан хэд хэдэн түлхүүр тоглогчдын нэг нь Шалимов байлаа. 2 жилийн дараа буюу 1996 онд Англид зохиогдсон Европын АШТ-д оролцсон Оросын шигшээ багт багтсан.
Шалимов Наполи багт тоглож байхдаа хориглогдсон сэргээшийн төрлийн бодис болох нандролон хэрэглэсэн нь илэрч, 2 жил эрхээ хасуулснаар зодог тайлахаар шийджээ. Тэрээр энэ тухайгаа "Москвад эмнэлэгтэ хэвтэж байхад дотуур цус алдалт зогсоох гэж хийсэн тарианд нандролон агуулагдаж байсан байх" гэж тайлбарласан[1].
Игорь өдгөө Оросын хөлбөмбөгийн эмэгтэйчүүдийн үндэсний шигшээ багийн дасгалжуулагчаар ажиллаж байна[2].
Амжилт[засварлах | кодоор засварлах]
- Зөвлөлтийн Тэргүүн Лигийн аварга - 1989
- УЕФА-гийн цомын аварга - 1994
- 21-с доош насны залуучуудын Европын аварга - 1990
Эшлэл[засварлах | кодоор засварлах]
- ↑ (Орос хэл) "Igor Shalimov, former captain of the Russian football team". history.rin.ru. Retrieved June 29, 2007.
- ↑ "Shalimov starts reign in style". uefa.com. Retrieved June 7, 2008.
Гадны холбоос[засварлах | кодоор засварлах]
Commons: Игорь Шалимов – Викимедиа зураг, бичлэг, дууны сан