Кебек

Кебек
Цагадайн улсын хан
Цагадайн улсын хан
Хаанчлал	1309-1310
Өмнөх	Талику
Залгамжлагч	Эсэнбөх
Цагадайн улсын хан
Хаанчлал	1318-1326
Өмнөх	Эсэнбөх
Залгамжлагч	Илжигдэй
Өнгөрсөн	1326 он Цагадайн улс
Гэр бүл	Хиад Боржигин
Династи	Цагадайн улс
Эцэг	Дува хан

Кебек хан нь Цагаадайн хант улсын Дува ханы хүү юм. 1308-1309, 1316-1326 оны хооронд тус улсыг захирч байсан. 1309 онд Бөхтөмөр ханы дүү Талику ноён төрийн эрхийг булаан авахад түүнийг эсэргүүцэн цэргийн хүчийг цуглуулан байлдан ялсан. Нэгэнт дайсныг ялсны дараа хан суудлаа ах Эсэнбөхөд шилжүүлжээ. 1318 онд ахыгаа нас барсны дараа дахин хан болж 1326 он хүртэл суужээ.

Кебек хан Амударья болон Сырдарья голуудын хоорондох бүс нутагт (Трансоксиана) хотын соёл, худалдаа, хөдөө аж ахуйг сэргээн хөгжүүлж байжээ. Тэрээр Цагадайн улсын нийслэлийг зүүн Туркестанаас (Алмалык) Трансоксиана (Карши) руу нүүлгэн шилжүүлжээ. Тэрээр мөн мөнгөний болон захиргааны шинэчлэл хийсэн байна.

Кебек ханы зоос, 1321 он орчим.

Кебек хан улс орныг захиргааны "түмэн" гэх нэгжид хуваажээ. Тэрээр бүхэл бүтэн улсын нутагт өөрийн нэрээр зоос цутгасан анхны хаан болжээ. Зоос цутгах газрууд Самарканд, Бухар, Термез хотод байрладаг байв. 1321 онд тэрээр мөнгөний шинэчлэлийг эхлүүлж, мөнгөн динар болон жижиг дирхам (1 дирхам = динарын 1/6)-ийг "кебек" гэж нэрлэжээ.

1326 онд Кебек хан хуйвалдааны улмаас алагджээ. Карши дахь түүний булшны дээр бөмбөгөр хэлбэртэй бунхан барьсан. Кебек хааны дараа эрх мэдэл түүний дүү Илжигдэйд богино хугацаанд шилжжээ.

Өмнөх Талику	Цагаадайн хант улсын хан 1309-1310	Дараах Эсэнбөх
Өмнөх Эсэнбөх	Цагаадайн хант улсын хан 1318-1326	Дараах Элжигдэй