Ларри Кинг

Чөлөөт нэвтэрхий толь — Википедиагаас
Jump to navigation Jump to search
Ларри Кинг
2010 оны есдүгээр сард Кинг
Төрсөн Лоренс Харви Зайгер
1933 оны 11 сарын 19 (1933-11-19) (86 настай)
АНУ, Нью-Йорк, Бруклин
Ажил Телевиз, радиогийн хөтлөгч
Он жил 1957–2010

Лоренс Харви Зайгер буюу "Ларри" Кинг (англ. Lawrence Harvey Zeiger, англ. LarryKing, 1933 оны арваннэгдүгээр сарын 19-нд төрсөн) нь Америкийн телевиз, радиогийн хөтлөгч, сэтгүүлч юм.

1950 онд Флорида мужаас сэтгүүлчийн гараагаа эхлүүлсэн Ларри Кинг нь CNN телевизийн бүтээл Larry King Live нэвтрүүлэг (монг. Ларри Кингтэй нүүр тулсан ярилцлага, 1985-2010) ярилцлагын шоугаараа алдаршсан билээ.

2012 оноос 2020 оны хооронд RT America болон Hulu сувагт Ларри Кинг Одоо буюу Larry King Now нэвтрүүлгийг хөтөлдөг. Тэрбээр үргэлжлүүлэн 2013 оноос Ларри Кинг Улстөрч хаантай хамт буюу Politicking with Larry King гэдэг долоо хоног тутмын ярилцлага шоу нэвтрүүлгийг хөтөлж хоёр ижил сувгаар цацаж байна.

Намтар[засварлах | edit source]

Ларри Кинг дунд сургуулиа төгссөний дараа хэд хэдэн газар ажил хийсэн байна. 22 настайдаа орон нутгийн багахан “WIOD” радиод хөтлөгч хийхээр Майамид иржээ.

1957 оны 5 дугаар сарын 1-нд анхны нэвтрүүлэг нь цацагдсан байна. Тэгэхэд радиогийн удирдлагууд еврей овгоо өөрчлөхийг түүнд зөвлөснөөр Ларри Кинг нэртэй болжээ. Ларри радиогийн мэдээний болон спортын нэвтрүүлгийг хөтөлдөг байв. 1960 онд Кинг телевизийн “WTVJ” сувагт өөрийн гэсэн нэвтрүүлэгтэй болжээ. Түүний энэ ажил нь тийм ч бүтэлтэй байсангүй. Үүнээс гадна “Майами Геральд”, “Майами Ньюс” сонинуудад нийтлэлээ гаргадаг байв. 1970-аад оны үед Кинг санхүүгийн асуудалд орооцолдож, баривчлагдаж байжээ. Үүний улмаас тэр телевизийн ажлаасаа халагдаж, хэдэн жил янз бүрийн ажил, тухайлбал Луизанад спортын нэвтрүүлэг хөтөлж, мөн “Эсквайр” сэтгүүлд нийтлэл бичиж байв.

1978 онд “Mutual Broadcasting Network” радиод шууд нэвтрүүлгээ нээсэн байна. Ларригийн шууд нэвтрүүлэг долоо хоног бүрийн даваа гарагаас баасан гараг хүртэл өдөр бүр цацагддаг байв.

1985 онд CNN сувгаас ажлын санал авсны дараа түүний шууд нэвтрүүлэг “Larry King Live” гэдэг нэртэй болжээ. 25 жилийн дотор Ричард Никсоноос эхлээд АНУ-ын бүх ерөнхийлөгч, нэр нөлөө бүхий улс төрчид, спортын болон шоу-бизнесийн одод, зохиолчид, бусад алдартнууд зэрэг 50 гаруй хүнтэй ярилцсан байна.

Гадаад холбоос[засварлах | edit source]