Мубарак шах

Мубарак шах хан
Цагадайн улсын хан
Цагадайн улсын хан
Хаанчлал	1252-1260
Өмнөх	Хара Хүлэгү
Залгамжлагч	Алгуй
Үүрэг гүйцэтгэгч	Ургана хатан
Цагадайн улсын хан
Хаанчлал	1266 оны 3 сар - 9 сар
Өмнөх	Алгуй
Залгамжлагч	Барак (Цагадайн улс)
Өнгөрсөн	1276 он Цагадайн улс
Хүүхэд	Өлзийбөх, Бүрэлги, Хурхадай
Гэр бүл	Хиад Боржигин
Династи	Цагадайн улс
Эцэг	Хара Хүлэгү
Эх	Ургана хатан

Мубарак шах нь (?-1276) Хара Хүлэгү ханы хүү бөгөөд 1252-1260, 1266 онуудад Цагаадайн улсыг удирдаж байсан.

Товч намтар

Тэр бол Цагадайн улсын Хар Хүлэгү хан, Ургана хатан хоёрын дундаас төрсөн хүү. 1252 онд эцэг нь таалал төгссөнөөр балчир насандаа хан сууринд залагдаж, төрийн хэргийг удирдахад түүний ээж Ургана хатан, төрийн сайд Харачар ноён нар мэдэж шийдэж байсан. Мөнх хааныг нас барсны дараах 1260 онд эхэлсэн Аригбөх-Хубилай хоёрын хаан ширээний төлөөх тэмцэлд эхлээд Аригбөхийг дэмжиж байсан ч, Хубилай хааны монгол руу орох худалдааны замыг хааснаар Аригбөх хааны талынхан эд барааны гачигдалтай болсноор Цагадайн улсыг хяналтандаа оруулах шаардлагатай болсон.

Ингээд Аригбөхийн цэргийн дэмжлэгээр Цагадай ханы дунд хүү Байдар ноёны ахмад хүү Алгуй ноён, Мубарак шахыг хан ширээнээс нь түлхэн зайлуулж тус улсын хан болжээ. Мубарак шах энэ явдлын дараа 1266 онд Алгуй хан нас нөгчсөний дараа дахин тус улсын хан сууринд заларсан ч, Хубилай хааны зарлигаар Мубаракын үеэл Барак гэгчийг Цагадайн улсыг хамтран захируулахаар илгээсэн ч, Барак нь хан ширээг Мубаракаас булаан авч, Мубаракыг өөрийн шонхорчны ахлах болгов.

1271 онд Барак хан армиа удирдан Хорасаныг эзлэхээр Ил хант улс руу дайтах үед Мубарак шах болон түүний хөвгүүд харьяат цэргээ дагуулан ил хан Абага руу зугтан орогнол гуйн очсонд тэднийг цэрэгтэй нь Нэгүдэрийн түмтийн байрласан Караунаст (одоогийн Афганистан) нутаг заан суулгасан. 1276 онд Мубарак шах өвчнөөр таалал төгссөн.

Өмнөх Хара Хүлэгү	Цагадайн улсын хан Эхний хаанчлал 1252-1260	Дараах Алгуй
Өмнөх Алгуй	Цагадайн улсын хан Хоёр дахь хаанчлал 1266	Дараах Барак