Намнангийн Наранбаатар
| Намнангийн Наранбаатар | |
|---|---|
| Төрсөн: | 1975 он Улаанбаатар хот |
| Ажил үйл | Найруулагч |
| Улс орон | Монгол улс |
| Боловсрол | Дээд |
| Төрөл | Театр |
| Шагнал | Монгол улсын Төрийн соёрхол (2013) Монгол улсын урлагийн гавьяат зүтгэлтэн (2021) |
Намнангийн Наранбаатар нь Монголын драмын урлагийн найруулагч юм. Улсын Драмын Эрдмийн Театрын ерөнхий найруулагчаар ажилладаг тэрээр 2013 онд Монгол Улсын Төрийн соёрхол, 2021 онд Монгол улсын Урлагийн гавьяат зүтгэлтэн цол хүртжээ.
Монголын драмын урлаг уналтад байсан тэр цагт Г.Эрдэнэбилэг, С.Болд-Эрдэнэ, Г.Амгаланбаатар, Н.Наранбаатар тэргүүтэй уран бүтээлчид орж ирснээр хэлтэй, хөлтэй болсон гэж үздэг. Эдгээр уран бүтээлчид хамтран "Драмын дөрөв" хэмээх хамтлаг байгуулан дуулж олны талархлыг хүлээж байлаа. Н.Наранбаатар найруулагч хэмээх их албанд орохын тулд олон шалгуур туулсан гэдэг. СУИС-ийн найруулагчийн ангийг төгссөн залуухан хархүү "Бооцоо" жүжгийг тайзнаа амилуулан үзэгчдийн анхаарлыг татаж эхэлсэн. Үүнийхээ ачаар Улсын драмын эрдмийн театрын найруулагч болох эрхээ хүртсэн билээ. Тэрээр “Бооцоо”, Надаар тоглосон хайр”, “Жаргах гэж дурладаг уу?”, “Чи минийх”, “Шөнө дундын бүжиг”, “Нууц амраг чинь болъё”, “Дурлахыг хориглоно”, “Шөнө амталсан нулимс”, “Нэргүй од”, “Парисын дарь эхийн сүм” мюзикл, “Би ч гэсэн жаргамаар байна" жүжиг, “Тэнгэрийн хүү” түүхэн жүжиг, “Гамлет”, "Анна Каренина" сонгодог жүжиг зэрэг олон сайхан бүтээлийг тайзнаа найруулан тавьсан чадварлаг уран бүтээлч билээ.
Уран бүтээлүүд[засварлах | edit source]
Тайзны дүр[засварлах | edit source]
- Эрдэмтний яриа (1982) - Доржийн дүр
- Унаган хайр (1982) - Зохиолчийн дүр
- Муурын байшин (1982) - Торой болон Минжийн дүр
- Талын баатар (1983) - Пунцагийн дүр
- Эмч нар(1984) - Нанзадын дүр
Найруулсан жүжгүүд[засварлах | edit source]
- Блэз (1998)
- Бооцоо (2000. Б.Мөнхдоржтой хамтарсан)
- Надаар тоглосон хайр (2001)
- Жаргах гэж дурладаг уу? (2003)
- Дурлахыг хориглоно (2003)
- Чи минийх (2004)
- Шөнө амталсан нулимс (2005)
- Нүцгэн дурлал (2006)
- Хайрын виз (2006)
- Нууц амраг чинь болъё (2007)
- Галзуу дурлалт (2007)
- Төлөөс (2007)
- Нэргүй од (2008)
- Надад өгөөгүй хайр (2008)
- Парисын дарь эхийн сүм (2009)
- Би эр хүнд хайртай (2010)
- Тэнгэрийн хүү (2011)
- Цэцэрлэгт учирсан хоёр (2012)
- Гамлет (2012)
- Тэр чинь би (2013)
- Ромео Жульетта (2016)
- Бүсгүйн зурвас (2019)
- Анна Каренина (2020)
Бусад[засварлах | edit source]
Мөн 2016, 2017 онд Үндэсний Их баяр наадмын ерөнхий найруулагчаар ажилласан.
2004 онд "Гэгээн Муза I” наадмын Шилдэг залуу уран бүтээлч шагнал
2005 онд Г.Доржсамбуугийн нэрэмжит “Арслан” шагналыг Шилдэг найруулагч шагнал
2005 онд Соёлын тэргүүний ажилтан цол
2006 онд Алтангадас одон
2010 онд “Парисын дарь эхийн сүм” жүжгээр “Гэгээн Муза VII” наадмын Шилдэг найруулагч шагнал
2012 онд “Тэнгэрийн хүү” жүжгээр “Гэгээн Муза IX ” наадмын Шилдэг найруулагч шагнал
2011 онд БСШУЯ-ны “Мөнгөн мод” наадмын “Тайз дэлгэцийн шилдэг найруулагч” шагнал