Нармандахын Энхшүр
 | |
| тамирчны тухай | |
|---|---|
| Төрсөн газар | Монгол, Улаанбаатар, Төв аймаг |
| Улс, орон |  Монгол (МУ) |
| Тамир, спорт | эмэгтэй Ой тогтоолт |
Нармандахын Энхшүр (1999 оны 1-р сарын 3-нд Улаанбаатар хотод төрсөн) - Монгол Улсын Гавьяат тамирчин, ой тогтоолтын олон улсын их мастер, Гиннессийн дэлхийн рекорд эзэмшигч. Дэлхийн чансаанд 2-т бичигдэж байсан.
Тогтоосон Рекорд амжилт
[засварлах | кодоор засварлах]- Улсын болон олон улсын ой тогтоолтын 16 тэмцээнд оролцсоноос 14-д нь ялалт байгуулсан ба багц хөзөр цээжлэх, хоёртын тоолол, тооны марафон, зураг зэрэг оюуны спортын төрөлд 10 удаа дэлхийн рекордыг тогтоосон юм.
- 2017 онд 26 дахь удаагийн Ой тогтоолтын дэлхийн аварга шалгаруулах тэмцээнд 30 минутын хугацаанд 5,445 хоёртын тооллын цувааг цээжилснээрээ дэлхийн рекордыг эвдэж Гиннессийн номд бичигдсэн.
- ОХУ-ын Москва хотноо Россия-1 телевизийн "Гайхамшигт хүмүүс" (Удивительные Люди) нэвтрүүлэгт амжилттай оролцон оюуны нөөц боломж хязгааргүй гэдгийг харуулж, оросуудыг гайхашруулж чадсан. Даалгаврын хувьд 1200 ширхэг сарнайг 9 минутад тогтоож, дарааллаар нь алдаагүй хэлэх, мөн байрыг нь сольсон нэг цэцгийг олох даалгаврыг 5 минутад алдаагүй гүйцэтгэсэн.
- 2023 оны 3-р сарын 1-нд БНХАУ-ын “Super Brain” телевизийн шоу нэвтрүүлэгт давхарласан гарын алга цээжилж, 200 хүний гарын алганы хээ дундаас олох даалгаврыг 100% алдаагүй гүйцэтгэж Хятадын шилдэг тамирчдыг ялсан юм.
Боловсрол
[засварлах | кодоор засварлах]- “Хүслийн Өргөө” бүрэн дунд сургууль- Бүрэн дунд боловсрол
- Бээжин их сургууль - Дэлхийн түүхийн мэргэжлээр бакалаврын зэрэг
- Бээжин их сургууль - Олон улсын харилцаа магистрын зэрэг
Хүртсэн шагналууд
[засварлах | кодоор засварлах]- Монголын ихрүүдийн холбооны авьяаслаг “Ихэр Мисс”, 2008 он
- БГД-ийн Засаг даргын Өргөмжлөл (2011 он)
- “Мөнгөн хараацай - 2012” Хүүхдийн ардын урлагийн наадмын өргөмжлөл
- Монголын Ихрүүдийн холбооны “Шилдэг сурагч” алтан медаль (2012 он)
- Хүүхдийн Төлөө Үндэсний Газрын “Авьяас” алтан медаль (2015)
- Монголын сурагчдын холбооны “Шилдэг сурагч” алтан медаль .
- 2012 оны “Нийслэлийн шилдэг хүүхэд” өргөмжлөл.
- “Шилдэг сурагч” алтан медаль （2016 он）
- “Ази тивийн шилдэг тамирчин” （2017 он）
- Монголын оюутны холбооны “Шилдэг оюутан” （2017 он）
- “Оны онцлох хүн” （2018 он）
- Монголын залуучдын холбооны шагнал “Оны шилдэг оюутан -Алма матер”（2017он）
- Боловсролын яамны жуух бичиг （2018 он）
- Архангай аймгийн “Тэнгэрийн Суварга” цомын эзэн （2021 он）
- Forbes Mongolia 30 under 30（2022 он）
- “People awards” оны шилдэг спортын тамирчдаар шалгарав （2023он）
Гэр бүл
[засварлах | кодоор засварлах]Ихрийн өрөөсөн Нармандахын Мөнхшүр нь дэлхийн хошой аварга, Монгол улсын гавьяат тамирчин цолтой, мөн ой тогтоолтын тамирчин юм.