Павлодар муж
Павлодар муж (казах. Павлодар облысы / Pavlodar oblysy) — Бүгд Найрамдах Казахстан улсын умард хэсэгт, тус улсын хамгийн том Эрчис мөрөн урсдаг Казахстаны муж юм. Анх 1938 оны 1-р сард байгуулагдсан бөгөөд засаг захиргааны төв нь Павлодар хот.
Павлодар муж нь Казахстаны зүүн умард хэсэгт 124 755 км² газар нутагтай орших бөгөөд умард хэсгээрээ Оросын Омск муж, зүүн умард хэсгээрээ Новосибирск муж, зүүн талаараа Алтайн хязгаартай хиллэлдэг байна. Мужийн өмнөд хэсэгт Абай болон Караганда муж, баруун талаараа Акмолин болон Умард Казахстан мужуудаар хүрээлүүлдэг байна.
Цаг агаар
[засварлах | кодоор засварлах]Павлодар мужийн нутаг дэвсгэр нь Умард Казахстаны бусад бүс нутгийн нэгэн адил эх газрын эрс тэс уур амьсгалтай сэрүүн бүсийн Баруун Сибирийн цаг уурын бүсэд хамаардаг. Энэ нь хүйтэн, урт өвөл (5.5 сар) үргэлжилж, халуун, богино зун (3 сар) болдог байна.
Засаг захиргаа
[засварлах | кодоор засварлах]Павлодар муж нь 10 дүүрэг, дүүргийнх эмжээний 3 хоттой ажээ.
- Актогай дүүрэг — төв нь Актогай тосгон
- Баянаул дүүрэг — төв нь Баянаул тосгон
- Железин дүүрэг — төв нь Железинка тосгон
- Эрчис дүүрэг — төв нь Иртышск тосгон
- Теренколь дүүрэг— төв нь Теренколь тосгон
- Аккулинский район — төв нь Аккулы тосгон
- Май дүүрэг — төв нь Коктобе тосгон
- Павлодар дүүрэг — Павлодар хот (дүүрэгт ордоггүй хот)
- Успенский дүүрэг — төв нь Успенка тосгон
- Щербактин дүүрэг — төв нь Щербакты тосгон
- Аксу хот
- Павлодар хот
- Экибастуз хот
Аж үйлдвэр
[засварлах | кодоор засварлах]Павлодар муж нь Казахстаны томоохон аж үйлдвэрийн төв бөгөөд цахилгаан эрчим хүч, хөнгөн цагааны үйлдвэр, газрын тос боловсруулах бүтээгдэхүүн, механик инженерчлэл, хүнсний үйлдвэр, барилгын материалын үйлдвэрлэлд төвлөрсөн олон талт аж үйлдвэрийн цогцолбор юм.
Үйлдвэрлэлийн бүтээгдэхүүний 70 гаруй хувийг хангадаг бүс нутгийн тэргүүлэх салбар бол металлургийн үйлдвэр, металл боловсруулах салбар юм.
Мужийн удирдлага буюу Аким
[засварлах | кодоор засварлах]- Ахметов, Даниал Кенжетаевич (1995—1997)
- Жакиянов, Галымжан Бадылжанович (1997 —2001)
- Ахметов, Даниал Кенжетаевич (2001—2003)
- Нурпеисов, Кайрат Айтмухамбетович (2003 — 2008)
- Сагинтаев, Бакытжан Абдирович (2008 —2012)
- Арын, Ерлан Мухтарулы (2012 —2013)
- Бозумбаев, Канат Алдабергенович (2013 —2016)
- Бакауов, Булат Жумабекович (2016 —2020)
- Скаков, Абылкаир Бактыбаевич (2020—2022)
- Байханов, Асаин Куандыкович (2022 оны 12-р сараас-)