Пол Мартин
| Дээд алдарт Пол Мартин PC, CC | |
 | |
| Албан тушаал хашсан 2003 оны 12 сарын 12 – 2006 оны 2 сарын 6 | |
| Хаан | II Элизабет |
|---|---|
| Дэд дарга | Анн Маклеллан |
| Өмнөх | Жан Кретьен |
| Дараах | Стивен Харпер |
| Албан тушаал хашсан 1993 оны 11 сарын 4 – 2002 оны 6 сарын 2 | |
| Ерөнхий сайд | Жан Кретьен |
| Өмнөх | Жилл Луйзелл |
| Дараах | Жон Мэнли |
| Албан тушаал хашсан 1993 оны 11 сарын 4 – 1996 оны 1 сарын 24 | |
| Ерөнхий сайд | Жан Кретьен |
| Өмнөх | Жан Шаре |
| Дараах | Жон Мэнли |
| Албан тушаал хашсан 1988 оны 11 сарын 21 – 2008 оны 10 сарын 14 | |
| Өмнөх | Клод Лантье |
| Дараах | Лиз Зарак |
| Төрсөн | 1938 оны 8 сарын 28 Онтарио, Виндсор |
| Улс төрийн нам | Либерал Нам |
| Гэр бүлийн хүн | Шейла Мартин |
| Хүүхэд | 3 хүү (Пол, Жэйми, Дэвид) |
| Оршин суугаа газар | Кэбэк, Монреаль |
| Төгссөн сургууль | Гэгээн Майклын коллеж Торонтогийн их сургууль |
| Мэргэжил | Хуульч, бизнесмэн |
| Шашин | Ромын Католик |
| Гарын үсэг | 
|
| Вэбсайт | PaulMartin.ca |
Пол Эдгар Филипп Мартин, PC, CC (англ. Paul Edgar Philippe Martin, 1938 оны 8 сарын 28-нд төрсөн) буюу Бага Пол Мартин (англ. Paul Martin, Jr.) нь Канадын улс төрч, тус улсын 21 дэх ерөнхий сайд, Канадын Либерал Намын дарга асан хүн юм.
2003 оны 11 сарын 14-нд Мартин Жан Кретьенээс Либерал Намын удирдагчийн албан тушаалыг хүлээн авч, улмаар мөн оны 12 сарын 12-нд ерөнхий сайд болжээ. 2004 оны сонгуулийн дараа түүний удирдсан Либерал Нам хамгийн олон суудалтай намын байр сууриа хадгалж чадсан ч парламентын суудлын олонхийг авч чадалгүй, цөөнхийн засгийн газар байгуулав. Парламент дахь дэмжлэг муутай байсан түүний засгийн газарт итгэл үл үзүүлэх шийдвэрийг парламент гаргаснаар 2006 оны сонгуулиар тэргүүлэх намын байр сууриа Консерватив Намд алдаж, Стивен Харпераар удирдуулсан цөөнхийн засгийн газар бүрджээ. Уг сонгуулийн дараа Мартин 3 сарын 18-нд намын даргын суудлаа сунгаанд ялсан Стефан Дионд шилжүүлжээ.
Мартин 1988 оноос Монреалийн Лазалл-Эмар тойргийг төлөөлөн парламентад суух болсон бөгөөд 2008 онд улс төрийг орхих хүртлээ парламентын гишүүнээр ажилласан юм. Тэрээр 1993 - 2002 онд сангийн сайдаар ажиллахдаа Канадын засгийн газрын санхүүгийн бүтцэд маш олон өөрчлөлт хийж, нийгмийн үйлчилгээ зэрэгт шинэчлэл хийсэн түүний бодлого тус улсын төсвийн архаг алдагдлыг бууруулахад шууд нөлөө үзүүлсэн билээ.
Цахим холбоос[засварлах | кодоор засварлах]
Commons: Paul Martin – Викимедиа зураг, бичлэг, дууны сан