Самданжамцын Лхагвадорж
Самданжамцын Лхагвадорж | |
|---|---|
| Төрсөн | |
| Харьяалал | Монгол үндэстэн |
| Иргэншил |  Монгол |
| Мэргэжил | цэргийн зүтгэлтэн |
Самданжамцын Лхагвадорж (1919 онд Булган аймгийн Сайхан суманд төрсөн-1948 онд нас барсан) БНМАУ-ын баатар.
Намтар
[засварлах | кодоор засварлах]1927-1931 онд бага сургууль, 1939-1941 онд ДЯЯ-ы төв сургуульд суралцан төгссөн. 1941-1948 онд Замын-Үүдийн отрядын 3-р заставын дарга байсан.
1945 оны 2-р сард Дорноговийн Баянмөнх сумын нутагт Хэнтий, Төв, Дорноговь аймгуудын 70 гаруй мянган адуу үргэлжилсэн цасан шуурганд хөөгдөн хил давах гэж байсныг 3 өдөр, шөнө тэмцэлдэн тогтоож эргүүлжээ. 1945 онд УБХТ-ийн тогтоолоор “Хөдөлмөрийн гавъяаны улаан тугийн одон”-гоор шагнуулсан байна.
1948 онд Бодончийн 6-р отрядын штабын хилийн албаны туслахаар ажиллаж байсан. Дайсны элдэв өдөөн хатгалга, зэвсэгт халдлагыг цаг тухайд нь няцаан, тагнуул туршуулуудыг нь олон удаа илрүүлэн баривчилж байсан бөгөөд 1948 оны 6 сарын 2-нд ”Оспаны 22 баатар” гэгчтэй Мэргэн ууланд баатарлагаар тулалдаж яваад амь үрэгджээ.
Гавьяа Шагнал
[засварлах | кодоор засварлах]С.Лхагвадоржид 1949 онд “Улсын баатар” цол нэхэн хүртээжээ.
Гэгээн дурсгал
[засварлах | кодоор засварлах]Хилийн 0286 дугаар анги нь 2012 онд Монгол Улсын баатар С.Лхагвадоржийн нэрэмжит болсон юм.
1970 онд Булган аймгийн төвд хөшөөг нь босгож, алба хааж байсан Дорноговийн отрядын Үзүүр-Усны заставыг АИХТ-ийн 1973 оны 217-р зарлигаар мөн Хууль сахиулах их сургуулийн Хилийн албаны сургуулийг НИТХ-ын 2006 оны 139 дүгээр зарлигаар тус тус түүний нэрэмжит болгожээ.