Сүхбаатарын Ерөөлт

Чөлөөт нэвтэрхий толь — Википедиагаас
Jump to navigation Jump to search

Сүхбаатарын Ерөөлт нь Дархан-Уул аймгийн Хонгор сумын харъяат, Үндэсний бөхийн аймгийн арслан цолтой бөх.

Mongolian traditional wrestling ttf.svg Сүхбаатарын Ерөөлт
Төрсөн өдөр 1983 оны 10 сарын 2 (1983-10-02)
(одоо 36 настай)
Төрсөн газар Монгол улсын Дархан-Уул
аймгийн Хонгор сум
Алдар цол
Бөхийн цол Аймгийн арслан
Цол ахисан он жил
Аймгийн начин 2009
Аймгийн арслан 2012

Наадмын амжилт[засварлах | edit source]

Улсын наадмын дэвжээнд[засварлах | edit source]

  • Их Монгол улс байгуулагдсаны 800 жилийн ой, Ардын хувьсгалын 85 жилийн ой, үндэсний их баяр наадмын хүчит бөхийн барилдааны нэгийн даваанд Завхан аймгийн Ургамал сумын харьяат сумын заан Жалгирын Ганхуягаар давж хоёрын даваанд Архангай аймгийн Батцэнгэл сумын харьяат улсын начин Галбадрахын Батбаатарт өвдөг шороодсон.
  • Тулгар төрийн 2220 жилийн ой, Их Монгол улс байгуулагдсаны 805 жилийн ой, Ардын хувьсгалын 90 жилийн ой, үндэсний их баяр наадмын хүчит бөхийн барилдааны нэгийн даваанд Дорноговь аймгийн Хөвсгөл сумын харьяат сумын заан Цэвээнрэгзэнгийн Чинзоригоор, хоёрын даваанд Увс аймгийн Малчин сумын харьяат аймгийн арслан Готовын Буянтогтохоор тус тус давж гурвын даваанд Булган аймгийн Гурванбулаг сумын харьяат аймгийн арслан Алтангэрэлийн Отгонбаатарт өвдөг шороодсон.
  • Тулгар төрийн 2224 жилийн ой, Их Монгол улс байгуулагдсаны 809 жилийн ой, Ардын хувьсгалын 94 жилийн ой, үндэсний их баяр наадмын хүчит бөхийн барилдааны нэгийн даваанд Увс аймгийн Өндөрхангай сумын харьяат сумын заан Ганболдын Болднямаар, хоёрын даваанд Өвөрхангай аймгийн Хужирт сумын харьяат аймгийн арслан Цэндзэсэмийн Чимэддоржоор тус тус давж гурвын даваанд Өвөрхангай аймгийн Тарагт сумын харьяат улсын начин Батмөнхийн Сангисүрэнд өвдөг шороодсон.
  • Тулгар төрийн 2225 жилийн ой, Их Монгол улс байгуулагдсаны 810 жилийн ой, Ардын хувьсгалын 95 жилийн ой, үндэсний их баяр наадмын хүчит бөхийн барилдааны нэгийн даваанд Сэлэнгэ аймгийн Сүхбаатар сумын харьяат сумын заан Эрдэнэсүрэнгийн Батмагнайгаар, хоёрын даваанд Архангай аймгийн Хашаат сумын харьяат аймгийн харцага Санийдагвын Түвшинжаргалаар тус тус давж гурвын даваанд Ховд аймгийн Манхан сумын харьяат аймгийн арслан Шараагийн Мөнх-Одод өвдөг шороодсон.

Аймгийн наадмын дэвжээнд[засварлах | edit source]

д\д Амжилт Бөхийн тоо
2009 Дархан-Уул аймгийн баяр наадамд тав давж шөвгөрөн " Аймгийн начин " цол хүртсэн. 128
2012 Дархан-Уул аймгийн баяр наадамд аймгийн заан Б.Бадамсүрэнгээр найм даван түрүүлж " Аймгийн арслан " цол хүртсэн. 192
2013 Дархан-Уул аймгийн баяр наадамд аймгийн начин Н.Эрдэнэчулуунд өвдөг шороодон үзүүрлэж чимэг нэмсэн. 256
2014 Дархан-Уул аймгийн баяр наадамд зургаа давж шөвгөрөн чимэг нэмсэн. 256
2017 Дархан-Уул аймгийн баяр наадамд зургаа давж шөвгөрөн чимэг нэмсэн. 256
2018 Дархан-Уул аймгийн баяр наадамд аймгийн арслан С.Очирбатад өвдөг шороодон үзүүрлэж чимэг нэмсэн. 256
2019 Дархан-Уул аймгийн баяр наадамд зургаа давж шөвгөрөн чимэг нэмсэн. 256