Франк-Валтер Штайнмаейр
.jpg)
Франк-Валтер Штайнмаейр (герман. Frank-Walter Steinmeier; 1956 оны 1-р сарын 5-нд ХБНГУ-ын Детмольд хотод төрсөн) — Германы Төрийн болон улс төрийн зүтгэлтэн. 2017 оны 3-р сарын 19-нөөс эхлэн Германы Холбооны Ерөнхийлөгч.
2005-2009 болон 2013-2017 онуудад Германы Гадаад хэргийн сайд, 2007-2009 онд Германы дэд Канцлер, 1975 оноос Германы Социал-демократ намын гишүүн.
2017 оны хоёрдугаар сарын 12-нд Ерөнхийлөгчийн сонгуульд ялалт байгуулж, ХБНГУ-ын Холбооны Ерөнхийлөгчөөр сонгогдсон. Холбооны Ерөнхийлөгчийн тангараг өргөх ёслол 2017 оны 3-р сарын 19-нд болсон.
2022 оны 2-р сарын 13-нд тэрээр холбооны ерөнхийлөгчийн албан тушаалд улиран сонгогдсон. ХБНГУ-ын Холбооны Хурлын нийт боломжит 1,425 саналын 1,045 нь авч, 86 гишүүн түдгэлзсэн байна.
Монгол Улсад[засварлах | кодоор засварлах]
Тэрээр 2014 онд Германы Гадаад хэргийн сайдын хувиар Монгол Улсад айлчилж байсан.
Холбооны Бүгд найрамдах Герман улсын Холбооны ерөнхийлөгч Франк-Валтер Штайнмаейр Монгол Улсын Ерөнхийлөгчийн урилгаар 2024 оны 2-р сарын 7-8-ны өдрүүдэд Монгол Улсад төрийн айлчлал хийв.