Франц Лефорт
Франц Лефорт (орос. Франц Я́ковлевич Лефо́рт, франц. François Le Fort, герман. Franz Jakob Lefort; 1655 оны 12-р сарын 23-нд Женев хотод төрсөн— 1699 оны 3-р сарын 2-нд Москва хотод нас барсан) — женев гаралтай протестант шашинтай оросын төрийн болон цэргийн зүтгэлтэн. Оросын I Пётр хааны ойрын туслах, зөвлөх болон хамтран зүтгэгч байсан. 1693 онд Оросын генерал, 1695 онд адмирал цол хүртсэн.
Тэрээр Европын загвараар бэлтгэгдсэн Оросын хааны шинэ арми байгуулахад гол үүрэг гүйцэтгэсэн. Тэрээр түүний санаачилгаар эхэлсэн 1695, 1696 оны Оросын цэргийн Азовын ажиллагааны гол удирдагчдын нэг байв. 1695 онд тэрээр Оросын байгуулагдаагүй флотын адмиралаар томилогдож байжээ. 1697 онд тэрээр Баруун Европ дахь Элчин сайдын яамыг тэргүүлж явсан бүрэлдэхүүнд I Пётр хаан нэрээ нууцалж Петр Михайлов нэрээр орж явсан байна. 1698 онд I Пётр хааны хамт тэрээр "Стрельцы бослого"-ыг дарахаар Москвад буцаж иржээ.
Тэрээр эзгүйд нь хааны мөнгөөр барьсан Москва дахь гайхамшигтай ордноо тохижуулж завгүй байв. 1699 оны 2-р сарын 12-нд гурван зуун зочны оролцсон шинэ байрны ёслол болж, 2-р сарын 23-нд Лефорт өвчин тусч байгаад 1699 оны 3-р сарын 12-нд нас барсан байна.