Эмили Блант

Чөлөөт нэвтэрхий толь — Википедиагаас
Jump to navigation Jump to search
Эмили Блант
Emily Blunt
Эмили Блант Торонтогийн наадамд (2012)
Эмили Блант Торонтогийн наадамд (2012)
Бүтэн нэр Эмили Оливиа Лиа Блант
Иргэншил Их БританиИх Британи Их Британи
Төрсөн огноо 1983 оны 2 сарын 23
Төрсөн газар ЛондонАнгли
Танил үе 1989 — одоо
Мэргэжлийн замнал
Мэргэжил жүжигчин

Эмили Оливиа Лиа Блант (англ. Emily Olivia Leah Blunt, 1983 оны хоёрдугаар сарын 23-нд Лондон хотод төрсөн) — Британы жүжигчин бөгөөд 2007 ондоо «Гидеоны охид» цувралын туслах дүрээр Алтан бөмбөрцөг хүртэж, «Прада өмссөн чөтгөр»-ийн туслах дүрээр Алтан бөмбөрцөг, БАФТА-д дэвшиж байв. 2009 оны 'Британы шилдэг эмэгтэй жүжигчин' алдартай.[1]

Анх «VIII Генри»-д (2003) хатан хаан Екатерина Ховард, «Хайрын зун»-д гэнэн Тэмзиний дүрээр танигдсан Блант жазын нэрт төлөөлөгч Майкл Бублетэй дотны харилцаатай байгаад америкийн жүжигчин Жон Красинскитэй 2010 онд гэрлэсэн ба жүжигчин Стэнли Туччитэй садан.

Намтар[засварлах | edit source]

Британийн жүжигчин, Алтан бөмбөрцөг наадмын шагналт жүжигчин Эмили Оливиа Ли Блант 1983 оны 2 сарын 23-нд Их Британийн Лондонд 4 хүүхэдтэй хуульч Оливер Блант, жүжигчин, багш Жоанна нарын 2 дахь хүүхэд нь болон мэндэлжээ. Эмили 7 настайгаасаа ээрэх болсон нь 14 хүртэл нь үргэлжилж, янз бүрийн арга хэрэглэсэн ч ээрүү нь арилахгүй байсан ч сургуулийн багш нь жүжгийн дугуйланд яваад үз, өөр хоолойгоор жүжиглэж үзэхийг хүссэнээр ээрүү нь арилжээ. Өнөөдөр Эмили Америкийн ээрүүний эмчилгээний сургуулийн захирлуудын зөвлөлийн гишүүн болсон.

Эмили 16 хүрээд Доркин хотын “Hurtwood House” ахлах сургуульд сурахдаа дуулах, спортоор хичээллэх, морин хийл /8-р зэрэгтэй/ тоглож сурсан бөгөөд сургуулийн тайзны урлагийн хөтөлбөрт 2 жил хамрагдахдаа 2000 онд Эдинбургийн фестивалд оролцохдоо алдарт жүжигчин, менежер Кеннет Макреддигийн нүдэнд өртөж, түүний тусламжтайгаар BBC, West End, болон Лондоны театртай гэрээ байгуулж чадлаа.

Мэргэжлийн жүжигчний хувьд хамгийн анх “The Royal Family” жүжигт тоглосон нь шилдэг шинэ жүжигчнээр өргөмжлүүлжээ. Харин 2003 онд Британийн дэлгэцнээ олон ангит кинонд тоглож гарч иржээ. Түүний тоглосон 2 дахь кино нь алдарт жүжигчин Мэрил Стриптэй хамт “Прада өмссөн чөтгөр” 2006 бөгөөд энэ дүрээрээ Алтан бөмбөрцөг, БАФТА-д нэр дэвшиж байв. Үүнээс хойш “Жэйн Остины номын клуб” 2007, “Чарли Вилсоны дайн” 2007, “Гулливерын аялал” гүнж 2010, “Хувь заяаны товчоо” 2011, “Сикарио” 2015, “Галт тэргэн дэх бүсгүй” 2016, “Чимээгүй газар” /a quiet place/ 2018, 2020, “Мэри Поппинс эргэн ирсэн нь” 2018 кинонд тоглосон бөгөөд 2021 онд жүжигчин Двейн Жонсонтой “Ширэнгийн завь” /Jungle Cruise/ кинонд тоглосон нь арай нээлтээ хийгээгүй байна. Эмили 2006 онд BBC-ийн цуврал “Гидионы охин” кинон бүтээсэн дүрээрээ Алтан бөмбөрцөг наадмаас шилдэг туслах дүр шагналыг хүртэж байв.

Хувийн амьдрал[засварлах | edit source]

Хувийн амьдралаас нь дурьдвал Канадын дуучин Майкл Бублетай 3 жил үерхээд /Майкл “Everything” дуугаа Эмилид зориулж бичсэн/ 2008 онд салсан бол мөн ондоо Америкийн жүжигчин Жон Кразинскийтэй танилцан 2010 онд гэрлэн 2 охинтой болжээ. Эмили Блант 2015 онд АНУ-ын давхар иргэншилтэй болсон бөгөөд 2015 онд FHM-ээс шалгаруулдаг хамгийн дур булаам эмэгтэйчүүдийн жагсаалтын 98-д орж байв. Эмили олон талын дүрийг тун гарамгай бүтээж чаддаг, авьяаслаг нэгнээс гадна морь унахдаа тун гарамгай.

Цахим холбоос[засварлах | edit source]

 Commons: Эмили Блант – Викимедиа зураг, бичлэг, дууны сан

Эшлэл[засварлах | edit source]