Энхтүвшиний Батмагнай
| Хувийн мэдээлэл | |
|---|---|
| Төрсөн огноо | 1 сарын 12, 2001 |
| Өндөр | 181 cм (5 фут 11 инч) |
| Жин | 134 кг (295 фунт) |
| Алдар цол | |
| Бөхийн цол | Улсын арслан |
| Улсын арслан | 2025 |
| Улсын начин | 2022 |
| Аймгийн заан | 2020 |
| Аймгийн начин | 2019 |
| Улсын наадмын барилдааны амжилт | |
| Түрүүлсэн | 1 (2025) |
| Шөвгөрсөн | 2 (2022, 2025) |
| Шинэчлэгдсэн огноо: 2025-07-12 | |
Энхтүвшиний Батмагнай (2001 оны 1-р сарын 12-нд Баянхонгор аймгийн Жинст суманд төрсөн) Монгол Улсын Үндэсний бөхийн Улсын арслан цолтой бөх.
Намтар
[засварлах | кодоор засварлах]Энхтүвшиний Батмагнай 2001 онд Лонжийн Энхтүвшин, С.Болормаа нарын 3 дахь хүүхэд болон мэндэлсэн. Луу жилтэй. Нэг ах, нэг эгчтэй айлын отгон хүүхэд. Тэрээр 2007 онд Баянхонгор аймагтаа Номун далай дунд сургуульд элсэн орж 2018 онд төгссөн. 2020 онд Их засаг дээд сургуульд элсэн орж 2024 онд төгссөн. 11 наснаас эхлэн үндэсний бөх болон чөлөөт бөхийн спортоор хичээллэж эхлэсэн.
2022 оны Хүннү гүрэн байгуулагдсаны 2231 жилийн ой, Их Монгол Улс байгуулагдсаны 816 жилийн ой, Тусгаар тогтнолоо шинээр сэргээн мандуулсны 111 жилийн ой, Ардын хувьсгалын 100, 101 жилийн ойн их баяр наадмын 1024 бөх барилдсан түүхт барилдаанд улсын наадамд анх удаа зодоглохдоо
- 1 даваанд Багануур дүүргийн харьяат А.Н Дэлгэрийн Түмэнжаргал
- 2 даваанд Говь-Алтай аймгийн Цээл сумын харьяат А.Х.А Дамбын Тангад
- 3 даваанд Увс аймгийн Малчин сумын харьяат А.Н.Н Тоочингийн Батсүрэн
- 4 даваанд Архангай аймгийн Цэнхэр сумын харьяат У.Г Мягмарын Бадарч
- 5 даваанд Өвөрхангай аймгийн Хархорин сумын харьяат А.Х.А Оюунгэрэлийн Наранбаатар нарыг тус тус өвдөг шороодуулан 5 даван шөвгөрч Улсын начин цол хүртсэн.
Тэрээр 21 насандаа Улсын начин цол хүртэж тухайн үеийн хамгийн залуу начин болж залуу начны даага хөтлөсөн. Түүхэнд дэх хамгийн залуу начны 5 дахь залуу начин болсон.
Э.Батмагнай 2025 оны Улсын Баяр наадмаар Үндэсний бөхийн барилдаанд
- 1 даваанд Баянхонгор аймгийн Галуут сумын харьяат сумын заан Г.Отгонбатыг
- 2 даваанд Баянхонгор аймгийн Богд сумын харьяат аймгийн арслан Б.Бат-Оршихыг
- 3 даваанд Баянхонгор аймгийн заг сумын харьяат улсын начин Д.Цэрэнтогтохыг
- 4 даваанд Увс аймгийн Тэс сумын харьяат улсын харцага Ц.Мөнхбаярыг
- 5 даваанд Төв аймгийн Өндөрширээт сумын харьяат улсын заан Д.Хүдэрбулгыг
- 6 даваанд Архангай аймгийн Батцэнгэл сумын харьяат улсын харцага Б.Зоригтбаатарыг
- 7 даваанд Ховд аймгийн Зэрэг сумын харьяат улсын заан Б.Бат-Өлзийг
- 8 даваанд Увс аймгийн Давст сумын харьяат улсын аварга П.Бүрэнтөгсийг
- 9 даваанд Сүхбаатар аймгийн Онгон сумын харьяат аймгийн арслан Нямдоржийн Өсөхбаярыг орхиж Улсын арслан цол хүртсэн. Баянхонгор аймгаас Улсын арслан П.Аюушаас 76 жилийн дараа Улсын наадамд түрүүлсэн бол Улсын гарьд П.Сүхбатаас 34 жилийн дараа түрүү үзүүрт гарч барилдсан онцлогтой бөх юм.
Үндэсний бөхийн амжилт
[засварлах | кодоор засварлах]| Жил | Түвшин | Бөхийн тоо | Цол | Давсан тоо | Авсан цол/чимэг | Тэмдэглэл |
|---|---|---|---|---|---|---|
| 2025 | Улс | 512 | Улсын Начин | 9 | Улсын Арслан | |
| 2024 | Улс | 512 | Улсын Начин | 3 | ||
| 2023 | Улс | 512 | Улсын Начин | 3 | ||
| 2022 | Улс | 512 | Аймгийн Заан | 5 | Улсын Начин | |
| 2021 | Цуцлагдсан | 512 | Аймгийн Заан | 1 | Ковидоос болж тэмцээн цуцлагдсан. | |
| 2020 | Аймаг | 128 | Аймгийн Начин | 6 | Аймгийн Заан |
|
| Улсын Наадмын Түрүү Улсын Наадмын Шөвөг Аймаг/Сумын Наадам Цол ахисан | ||||||
Чөлөөт бөхийн амжилт
[засварлах | кодоор засварлах]Батмагнай 2022 онд Улаанбаатар хотноо зохиогдсон чөлөөт бөхийн Азийн аварга шалгаруулах тэмцээнд 125 кг-ийн жингийн ангилалд хүрэл медаль хүртсэн.
Эх сурвалж
[засварлах | кодоор засварлах]- ↑ "Энхтүвшингийн Батмагнайн амжилт". Дэвжээ.мн - Үндэсний бөхийн мэдээллийн сан.