Антиох IV Эпифанес

Антиох IV хааны зоос

Антиох IV Эпифанес нь (Англи хэл:Antiochus IV Epiphanes) (МЭӨ 215 оны орчимд төрж, МЭӨ 164 онд Ираны Табаед нас барсан.) Сирийн Эллин хаант улсын Селевкид хаан (МЭӨ 175 – МЭӨ 164 он) юм. Антиох III –ийн хүү тэрээр Ромын барьцаанд байсан (МЭӨ 189 – МЭӨ 175 он) тул Ромын төрийн бүтцээс суралцжээ. Чөлөөлөгдснийхөө дараа Сирийг хууль бусаар захирагчдаас эрх мэдлээ булаан авчээ. Тэрээр Александриягаас бусад бүх Египетийг байлдан дагуулж (МЭӨ 169 он), өөрийн ач хүү Птолеми VI -г захирагчаар нь томилсон байна. Түүний холбоотон Македончууд Ромд ялагдаж, Кипр, Египет дэх ялалт нь (МЭӨ 168 он) алдагдсан ч аль алиныг нь орхин өмнөд Сирийг хамгаалжээ. Тэрээр Иерусалимыг авч (МЭӨ 167 он) хүчээр Грекжүүлэхээр оролдон Еврейчүүдийн ёслол, тайлгыг хориглосон байна. МЭӨ 164 онд Еврейн Маккаби болон Грекийн эсрэг үзэлтнүүд Иудейг байлдан дагуулж, Зевсийн сүм, тахилгын эд зүйлсийг эвдлэн сүйтгэжээ. Антиох нутаг буцаж, зүүнээс довтлох Парфичуудаас эзэнт гүрнээ хамгаалахын сацуу Арменийг буцаан авч, Арабын эрэг дэх Персис орох замдаа нас баржээ.