Википедиа — Чөлөөт нэвтэрхий толь
Яни Маркус Сойнинен (финээр Jani Markus Soininen, 1972 оны 11 сарын 12-нд Юваскюлад төрсөн) нь Финландын цанын харайлтын тамирчин бөгөөд 1992-оос 2001 онд тэмцээн уралдаанд оролцож байв. Дэлхийн цомын тэмцээнд нийт 4 удаа түрүүлсэн. Тэрээр анх 1994 оны Лиллехаммерын олимпод оролцож, 90 м-ийн төрөлд 6, 120 м-ийн төрөлд 5-р байр эзэлсэн бөгөөд 4 жилийн дараа Наганод зохиогдсон 1998 оны өвлийн олимпоос алт, мөнгөн медаль хүртэж байжээ.
Түүнчлэн цанын дэлхийн аварга шалгаруулах тэмцээнээс багийн төрөлд 1995, 1997 онуудад алт, 2001 онд мөнгөн медаль зүүжээ.
