Диего Форлан

Чөлөөт нэвтэрхий толь, Википедиагаас
Харайх: Удирдах, Хайлт
Диего Форлан
U10 Diego Forlán 7569.jpg
Хувийн мэдээлэл
Бүтэн нэр Диего Мартин Форлан Коразо
Төрсөн огноо 1979 оны 5 сарын 19 (1979-05-19) (34 настай)
Төрсөн газар Монтевидео, Уругвай
Тоглодог байрлал довтлогч
Клубын мэдээлэл
Одоогийн клуб Атлетико Мадрид
Дугаар 7
Тоглосон клубууд
Он Баг Тоглосон тоо
(Гоол)
1998 - 2002
2002-2004
2004-2007
2007-
Индепендьенте
Манчестер Юнайтед
Вильярреал
Атлетико Мадрид
80(37)
63(10)
127(59)
157(89)
Үндэсний шигшээ
2002 - Уругвай
69(29)

‡ Шинэчилсэн нь
2010 оны 9 сарын 12

Диего Мартин Форлан Коразо (исп. Diego Martín Forlán Corazo) нь 1979 оны тавдугаар сарын 19 - нд төрсөн Уругвайн хөлбөмбөгчин ба одоогоор Испанийн Ла-Лигийн Атлетико Мадрид клуб болон Уругвайн шигшээ багийн довтлогчоор тоглодог хөлбөмбөгчин юм. Тэр 2010 оны ДАШТ-д шилдэг тоглолтыг үзүүлж Алтан бөмбөг шагналын эзэн[1], Испанийн хөлбөмбөгийн мэргэн буучдын Пичичи Трофи болон Европын Алтан шаахайн эзнээр тус бүр хоёр удаа тодорч байв.

Форлан хөлбөмбөгчний гэр бүлд төрж өссөн бөгөөд түүний эцэг Пабло Уругвайн шигшээ багийн бүрэлдэхүүнд 1966, 1974 оны ДАШТ-д оролцож байсан бол өвөө Хуан Карлос Коразо нь Аргентиний Индепендьенте клубт тоглодог байжээ.[2] Форлан өвөөгийнхөө тоглодог байсан тус клубээс гараагаа эхэлсэн ба тэндээсээ алдарт Манчестер Юнайтед клубтэй дөрвөн жилийн гэрээ байгуулж байсан юм. Примиер лигт хоёр жил тоглоод Испанийн Вильярреал клубт очсон билээ.

Испанид очоод анхныхаа улиралаа 25 гоол оруулж Пичичи Трофи шагналын эзэн болсон түүхтэй. Вильярреалаас Атлетико Мадрид клуб рүү шилжин дахин Пичичи Трофи шагналыг хүртэж, Роналдогоос хойшхи хоёр удаа хүртсэн хоёр дахь тохиолдол болсон юм.

Форлан улсаа төлөөлөн олон улсын 69 тоглолтонд оролцож 29 гоол оруулсан юм. Япон, Өмнөд Солонгос улсад зохион байгуулагдсан 2002 оны ДАШТ-д нэг гоол, 2010 оны ДАШТ-д зохион байгуулагч орон Өмнөд Африкийн багтай тоглоход хоёр, дөрөвний нэг шигшээд Гана, хагас шигшээд Голланд, гуравдугаар байрын төлөөх тоглолтонд Германтай тоглоход тус тус нэг, нийт таван гоол оруулсан Шилдэг тоглогч юм.

Бага нас[засварлах]

Диего Уругвайн шигшээ багийн тоглогч Пабло Форланы хүү юм. Бага насандаа теннис тоглодог байж байгаад гэр бүлийн уламжлалаа даган хөлбөмбөгийн спортоор хичээлэх болсон юм. Тэр 1998 оноос Өмнөд Америкийн сайн клубүүдийн нэг Аргентиний Индепендьенте клубт тоглох болж, улмаар тэнд мэргэн бууч нэртэй байжээ. 2002 оны нэгдүгээр сард Английн Манчестер Юнайтед клубт 6.9 сая паундаар очсон түүхтэй.

Манчестер Юнайтед[засварлах]

Тус клуб дэх анхны гараа нь 2002 оны нэгдүгээр сарын 18-нд Болтон клубтэй хийсэн тоглолт байсан бөгөөд есдүгээр сарын 18-нд Аваргуудын лигийн Маккаби Хайфа клубт хийсэн тоглолт хүртэл гоол оруулж чадаагүй байв. Найман сарын туршид 27 тоглолтонд гоол оруулж чадаагүй Форлан клубтээ Диего Биртлес хочтой байсан нь сонирхолтой. Өмнө нь Манчестер Юнайтед клубт Гарри Биртлес хэмээх довтлогч ийм тоглолтыг үзүүлж байсныг егөөдөн ийн хоч өгчээ.

Форланы 95 тоглолтонд 17 гоол оруулсан амжилт нь багийн анд Руд ван Нистелройн 210 тоглолтонд 150 гоол оруулсан амжилттай харьцуулахад чамлалттай байсан тул улаан чөтгөрүүдийн эгнээнд сайн тоглолт илүү сайн тоглолтыг үзүүлэх шаардлага байнга тавигдаж байгаад сүүлд нь түүнийг Уэйн Рунигээр сэлгэсэн юм.

Вильярреал[засварлах]

2004 оны наймдугаар сарын 21-нээс Вильярреал клубт алба хашихаар болж 2004-05 оны улиралд 25 гоол оруулж Пичичи Трофи шагнал хүртсэн юм. Мөн Европын холбооны Алтан шаахайн эзнээр Терри Анригийн хамт тодорсон юм. 2006-07 оны улиралд түүний амжилт тогтмолжиж улирлын мэргэн буучдын жагсаалтад дээгүүр жагсах болсон юм.

Атлетико Мадрид[засварлах]

Форлан, Атлетико Мадрид клубт

2007 оны зургадугаар сараас Вильярреал клубийн мөнгөний сан багассантай холбогдуулан Хуан Роман Рикелми, Форлан нарыг солилцооны цонхоор зарлаж, Атлетико Мадрид клуб шилдэг тоглогч Фернандо Торресоо Ливерпүүлд алдсаны дараахан Форланыг 21 сая еврогоор худалдан авсан юм.

Үзүүлэлтүүд[засварлах]

Баг Улирад Лиг Цом Лигийн цом Тив Бусад[3] Бүгд
Гараа Гоол Гараа Гоол Гараа Гоол Гараа Гоол Гараа Гоол Гараа Гоол
Индепендьенте 1998-99 2 0 0 0 2 0
1999-00 24 7 0 0 24 7
2000-01 36 18 6 2 42 20
2001-02 18 12 5 1 23 13
Бүгд 80 37 11 3 91 40
Манчестер Юнайтед 2001–02 13 0 0 0 0 0 5 0 0 0 18 0
2002–03 25 6 2 0 5 2 13 1 0 0 45 9
2003–04 24 4 2 1 1 1 4 2 1 0 32 8
2004–05 1 0 0 0 0 0 1 0 1 0 3 0
Бүгд 63 10 4 1 6 3 23 3 2 0 98 17
Вильярреал 2004–05 38 25 0 0 0 0 0 0 38 25
2005–06 32 10 2 0 13 3 0 0 47 13
2006–07 36 19 2 1 2 1 0 0 40 21
Бүгд 106 54 4 1 15 4 0 0 125 59
Атлетико Мадрид 2007–08 36 16 6 1 11 6 0 0 53 23
2008–09 33 32 3 1 9 2 0 0 45 35
2009–10 33 18 6 3 17 7 0 0 56 28
2010–11 2 3 0 0 0 0 1 0 3 3
Бүгд 104 69 15 5 37 15 1 0 157 89
Нийт 353 170 23 7 6 3 86 25 3 0 471 205

2010 оны есдүгээр сарын 12-ны байпдаар[4]

Шагналууд[засварлах]

Клуб[засварлах]

Манчестер Юнайтед
  • Примиер лиг (1): 2002–03
  • Английн Цом (1): 2003–04
  • Английн Хөлбөмбөгийн холбооны Коммунити Шиелд (1): 2003
Вильярреал
  • УЕФА Интертото Цом (1): 2004
Атлетико Мадрид
  • УЕФА Европын Лиг (1): 2009–10

Хувиараа[засварлах]

  • Европын Алтан шаахай (2): 2004–05*, 2008–09
  • Пичичи Трофи (2): 2004–05, 2008–09
  • ФИФА-гийн Дэлхийн аварга шалгаруулах тэмцээний Алтан бөмбөгийн эзэн: 2010

(* Терри Анритай хамт авсан)

Хувийн амьдрал[засварлах]

Форлан(баруун) Луис Суаресийн хамт, 2010 оны ДАШТ-ий үеэр.

Форлан Аргентиний загвар өмсөгч, жүжигчин Зайра Нара хэмээх бүсгүйтэй үерхэж байгаа ажээ.[5]

Холбоос[засварлах]

Эшлэл[засварлах]

  1. World Cup 2010: Diego Forlan Wins Golden Ball As Germany's Thomas Mueller Takes Young Player Award & Golden Boot at goal.com, 11 July 2010.
  2. Ben Lyttleton: In Suarez's absence Uruguay will lean even more heavily on Forlan at Sports Illustrated, 4 July 2010.
  3. АХХ-ны Коммунити Шиелд, УЕФА-гийн Супер цом, Тив хоорондын цом, ФИФА Клубүүдийн ДАШТ
  4. Endlar, Andrew. Diego Forlan. StretfordEnd.co.uk.
  5. Sport (2010-05-31). Die "Champions League" der Spielerfrauen. Sport.de.msn.com. 2010-06-26-д хандсан.