Пиренейн уулс
| Пиренейн уулс | |
|---|---|
 Пиренейн нурууны байр зүйн зураг | |
 Төв Пиренейн нуруу | |
| Ноён оргил | Ането хайрхан (3404 м) |
| Газар орон | Франц, Испани, Андорра |
| Солбицол | 42° 42′ У, 0° 30′ З |
| Төрөл | Атираат нуруу |
| Чулуулгийн нас | Альпийн цэгцрээ |
Пиренейн уулс (Испани хэл:Pirineos, Франц хэл: Pyrénées) нь Европ тивийн баруун өмнөд хэсэгт орших нуруу бөгөөд Франц, Испани улсуудыг тусгаарласан байгалийн хил болдог байна. Зүүн дунд хэсэг орчимд Андорра улс оршдог. Пиренейн уулсын нийт урт 430 км ба өргөн нь дунджаар 100 км, хамгийн өндөр цэг нь 3404 м өндөр Ането оргил юм. Энэхүү нурууны баруун хэсэг нь 1000 м-н дундажтай налуу уулсаас бүрддэг бол төв хэсгээс 2000 м өндөртэй уулс ихсэн нилээд олон цанын бааз байрладаг аж. Андорра улсын хилээс 100 км орчмын хэсэгт хамгийн эгц өндөр, сүрлэг уулс байна. Энэ хэсэгт Анетогоос гадна 3000 м-н дундаж өндөртэй 10 гаруй уулс зэрэгцэн сүндэрлэнэ. Пиренейн нурууны хамгийн зүүн тал нь Газар дундын тэнгис уруу нилээд ойртон түрж тогтсон байдаг.
Цахим холбоос
[засварлах | кодоор засварлах]
Commons: Пиренейн уулс – Викимедиа дуу дүрсний сан