Хулгар гуйванга

Чөлөөт нэвтэрхий толь — Википедиагаас
Харайх: Удирдах, Хайлт
Хулгар гуйванга
Asio-flammeus-001.jpg
Ховордолтын зэрэглэл
Status iucn3.1 LC.svg
Ховордоогүй (IUCN3.1)
Биологийн ангилал
Аймаг: Амьтан
Хүрээ: Хөвчтөн
Анги: Жигүүртэн
Баг: Strigiformes
Овог: Strigidae
Дэд овог: Asioninae
Төрөл: Asio
Зүйл: A. flammeus
Латин нэр
Asio flammeus
(Pontoppidan, 1763)
Ижил утгатай нэршил

Asio accipitrinus


Хулгар гуйванга (Asio flammeus) нь Strigidae овгийн нэг зүйл шар шувуу юм. Тэд Asio төрөл бөгөөд хөхтөн амьтдын чихтэй төстэй туг өдтэй байдаг. Энэхүү туг өд нь ил харагдах зүйл байхад далд зүйл бас бий. Хулгар гуйвангын чихний туг өд нь маш богино тул бараг харагддаггүй.

Гадаад төрх[засварлах]

Энэхүү шар шувуу нь дундаж хэмжээний, 34-43 см, 206-475 гр жинтэй, том нүд, толгой, богино хүзүү, өргөн далавчтай. Хошуу нь богино, махир, бахим бөгөөд хар өнгөтэй юм. Далавчаа дэлгэхэд 85-103 см урт байна. Эмэгчин нь биеэр арай том байдаг.


Амьдрах бүс[засварлах]

Хулгар гуйванга нь Антарктид болон Австралиас бусад бүх тивд хамгийн өргөн тархан амьдардаг шувуу юм. Хойд зүгт амьдрах хэсэг нь өвлийн улиралд өмнө зүгт нүүдэллэдэг.


Дэд зүйлүүд[засварлах]

Одоогоор мэдэгдээд буй 10 дэд зүйл бий. Эдгээр нь:

  • Asio flammeus bogotensis (Chapman, 1915)
  • Asio flammeus domingensis (Statius Müller, 1776)
  • Asio flammeus flammeus (Pontoppidan, 1763)
  • Asio flammeus galapagoensis (Gould, 1837) -
  • Asio flammeus pallidicaudus (Friedmann, 1949)
  • Asio flammeus ponapensis (Mayr, 1933)
  • Asio flammeus portoricensis (Ridgway, 1882)
  • Asio flammeus sandwichensis (A. Bloxam, 1827): Pueo or Hawaiian Short-eared Owl - Hawaii
  • Asio flammeus sanfordi (Bangs, 1919)
  • Asio flammeus suinda (Vieillot, 1817)


Үржил[засварлах]

Тэд тундр, саванна, тал, нуга хөндийд газар үүрлэдэг байна. Өвс, ургамал, өд зэргээр халхлан далдалсан байх аж. Голдуу 4-7 өндөг гаргах ба хэрэв оготно зэрэг идэш тэжээл элбэг үед арав гаруй өндөг гаргадаг байна. Эмэгчин нь 21-37 хоног өндгөө даран ангаахай гарж, 28 хоноод бие даан амьдарна. Нэг нас хүрээд үржлийн нас бие гүйцдэг ажээ. Хойд зүгт 3-6 сарын хооронд нийлэх ба нэг хостойгоо амьдардаг байна.


Идэш тэжээл[засварлах]

Хулгар гуйванга голдуу шөнөөр ан хийх ч, өдрийн цагт ч идэвхтэй байна. Гол идэш тэжээл нь оготно зэрэг мэрэгч бөгөөд мөн бусад жижиг хөхтөн, шувуу, томхон шавьжаар хооллоно.


Гадаад холбоос[засварлах]

Commons
Викимедиа дуу дүрсний сан: Asio flammeus