Аннэгийн өдрийн тэмдэглэл
| Аннэгийн өдрийн тэмдэглэл | |
|---|---|
| Зохиолч | Аннэ Франк |
| Анхны нэр | Het Achterhuis |
| Орчуулагч | Б.М Моояаарт |
| Хавтасны зургийг зурсан | Helmut Salden |
| Улс | Нидерланд |
| Хэл | Нидерланд Англи |
| Субъект | Дэлхийн II дайн, Нидерланд дахь Нацизмын дарангуйлал |
| Урсгал | Намтар |
| Хэвлэгч | Contact Publishing |
| Хэвлэсэн огноо | 1947 он |
| Хэвлэгдсэн Монголоор | 2010 он |
| OCLC дугаар | 1432483 |
Аннэгийн өдрийн тэмдэглэл нь Аннэ Франкийн бичсэн өдрийн тэмдэглэлээр бүтээгдсэн ном бөгөөд 1947 онд нидерланд хэлээр хэвлэгдсэн (1952 онд англи хэлээр орчуулагдан хэвлэгдсэн) ба номын агуулга нь Нацизмын дарлал дор Нидерландад амьдарч байсан охины өдрийн тэмдэглэл юм. Дэлхийн II дайн дууссаны дараа Аннэ Франкийн эцэг охиныхоо дурсгалд зориулж хэвлэн гаргасан.
Анхны хэвлэл нь "Нууц өрөө: 1942.06.12 - 1944.08.01-ний өдрийн тэмдэглэл" гэдэг нэртэйгээр хэвлэгдэн Амстердамд борлуулагджээ. Англи хэлний хувилбар нь "Аннэ Франк: Залуу охины өдрийн тэмдэглэл" нэртэйгээр 1952 онд Vallentine & Mitchell хэвлэлийн компани хэвлэн гаргаснаар олон түмэнд маш хурдтайгаар түгсэн. Үүний дараа Францес Гүүдрич болон Алберьт Хаккет нар 1955 онд өмнөх хувилбарыг хянан засварлаж хэвлэсэн бөгөөд 1959 онд олны хүртээл болгожээ. Уг ном нь 20-р зууны нэн чухал номуудын нэгд зүй ёсоор тооцогддог.