Асада Мао

Чөлөөт нэвтэрхий толь — Википедиагаас
Харайх: Удирдах, Хайлт
Асада Мао
2010 оны ДАШТ-д шан гардаж зогсоо Асада Мао
2010 оны ДАШТ-д шан гардаж зогсоо Асада Мао
тамирчны тухай
Төрсөн өдөр 1990 оны 9 сарын 25 (1990-09-25) (26 настай)
Төрсөн газар Япон улсын Айчи аймгийн Нагоя хот
Улс, орон Япон Япон
Тамирчин эмэгтэй уран гулгагч

Япон улсын тамирчин, эмэгтэй ганцаарчилсан уран гулгалтын дэлхийн гурван удаагийн  (2008, 2010,2014) аварга Асада Мао (японоор 浅田 真央 - asada mao; англиар Mao Asada; оросоор Мао Асада) 1990 оны 9 сарын 25-нд Япон улсын Айчи мужийн Нагоя хотод төржээ. Асадо Мао 3-9 настайдаа балет бүжиж байгаад эгч Асада Майн хамтаар уран гулгалтаар хичээллэх болжээ. Тэрээр 14 насандаа 3 эргэлтэт аксель үсрэлтийг амжилттай гүйцэтгэж гоц авъяасаараа олныг гайхашруулж, 2005 онд олимпын наадмын аваргын төлөөх гол өрсөлдөгчид болох Ирина Слуцкая, Шизүка Аракава, Саша Коэн нарыг гран при цуврал тэмцээнүүдээр илүүрхэн ялж дэлхийд тэргүүлэх гулгагч хэмээгдэж байсан боловч 2006 оны Ториногийн Олимпд оролцоход насаар 87 хоног дутуу байсан юм. 2004 оноос багачуудын, 2006 оноос томчуудын уран гулгалтын тив, дэлхийн медаль хүртэх болсон. Түүнээс хойш олимпийн (2010) мөнгө, ДАШТ-ий гурваналт (2008, 2010,2014), ДАШТ-ий мөнгө (2007), дөрвөн тивийн АШТ-ий (2008-2013 оны хооронд) 3 алт, 2 мөнгө, 1 хүрэл медаль, Гран при финал тэмцээний 4 удаангийн алт (2005, 2008,2012,2013) хошой мөнгөн (2006,2007) медаль зүүжээ.

Гулгалтын техник[засварлах | edit source]

Асада Мао 3 эргэлтэт аксель үсрэлтийг 2004 оноос одоог хүртэл 11 жил тасралтгүй гүйцэтгэж ирсэн бөгөөд уг үсрэтийг түүхэнд амжилттай гүйцэтгэж чадсан зургаан эмэгтэй гулгагчийн нэг юм.