Бадамдоржийн Ганбат

Чөлөөт нэвтэрхий толь — Википедиагаас
Jump to navigation Jump to search

Бадамдоржийн Ганбат нь (1953 онд төрж, 2021 онд нас барсан) Монгол улсын урлагийн гавьяат зүтгэлтэн, Төрийн соёрхолт хөгжимчин, хөгжмийн зохиолч, ая зохиогч, удирдаач хүн юм.

Намтар[засварлах | edit source]

Б.Ганбат 1953 онд Улаанбаатар хотноо төрсөн. Нийслэлийн Ерөнхий боловсролын 5 дугаар дунд сургууль, Багшийн сургуулийн хөгжмийн ангид тус тус суралцан төгсжээ.

Б.Ганбат нь Багшийн сургуульд суралцах хугацаандаа нэгэн үеийн оюутнууд болох Ц.Нацагдорж, Н.Жанцанноров, Б.Шарав, Х.Билэгжаргал, Ц.Чинзориг нартай хамтран Монголын анхны цахилгаан хөгжмийн хамтлагийг байгуулж байжээ.

1973 онд Барилгачдын соёлын ордонд хөгжимчин, багшаар ажиллаж байв.

1974 онд Улсын филармонийн “Баянмонгол” чуулгад гоцлол хөгжимчнөөр уригдан тасралтгүй 46 жил тууштай ажиллажээ.

Амьдралынхаа сүүлийн 30 жилд нь чуулгын Ерөнхий удирдаачийн албыг хашсан байна.

Уран бүтээл[засварлах | edit source]

Б.Ганбатын зохиосон 800 гаруй хөгжим, дууны бүтээл болон хөгжмийн найруулга хийжээ.

Жазз хөгжмийн бүтээлээс[засварлах | edit source]

  • “Эгшиглэ, эгшиглэ гитар минь”
  • “Ангийн охин чамдаа”
  • “Хүлээлтийн дуу”,
  • ”Захиа”
  • “Дэрэнгийн хар азарга”
  • “Хамаг Монгол” зэрэг дуунууд
  • “Жалам харын явдал”
  • “Дөрвөн настай халиун”
  • “Энхийн давлагаа”

зэрэг хөгжмийн найруулга, бүтээлүүд багтдаг.

Гавьяа Шагнал[засварлах | edit source]

1999 онд “Алтан гадас” одон

2005 онд Монгол Улсын Урлагийн гавьяат зүтгэлтэн

2019 онд Монгол Улсын Төрийн соёрхол