Баярхүүгийн Бат-Өлзий
| Хувийн мэдээлэл | |
|---|---|
| Төрсөн огноо | 1992 оны 6 сарын 8 |
| Алдар цол | |
| Бөхийн цол | Улсын заан |
| Улсын заан | 2022 |
| Улсын харцага | 2016 |
| Аймгийн арслан | 2014 |
| Аймгийн харцага | 2013 |
| Улсын наадмын барилдааны амжилт | |
| Шөвгөрсөн | 4 (2016, 2019, 2022, 2025) |
| Шинэчлэгдсэн огноо: 2025-07-12 | |
Баярхүүгийн Бат-Өлзий нь Ховд аймгийн Зэрэг сумын харьяат, үндэсний бөхийн улсын заан цолтой бөх. 1992 оны 6 сарын 8 -нд төрсөн. 2022 он Улсын наадамд 7 давж Улсын заан цол хүртсэн. Тэрээр Монгол бөхийн өргөөний барилдаанд 32 удаа түрүүлээд байна.[1]
Аймаг, Цэргийн наадмын дэвжээнд
[засварлах | кодоор засварлах]2013 оны Бүх цэргийн баяр наадамд тав давж шөвгөрөн "Цэргийн начин" цол хүртсэн. Тухайн жилээ Ховд аймгийн баяр наадамд зургаа давж шөвгөрөн "Аймгийн харцага" цол хүртсэн.
2014 оны Ховд аймгийн баяр наадамд аймгийн харцага Б.Тайванд өвдөг шороодон үзүүрлэж "Аймгийн заан" цол хүртсэн. Мөн тус жилээ Орхон аймгийн баяр наадамд аймгийн заан Д.Бадамгараваар найм даван түрүүлж "Аймгийн арслан" цол хүртсэн.
2016 Бүх цэргийн баяр наадамд зургаа давж шөвгөрөн чимэг нэмсэн.
Улсын наадмын дэвжээнд
[засварлах | кодоор засварлах]2016 оны АХ-ын 95 жилийн ойн баяр наадамд улсын начин Л.Нямсүрэнгээр дөрөв, улсын начин Б.Амарзаяагаар тав, аймгийн арслан Д.Анараар зургаа даван шөвгөрч "Монгол улсын харцага" цол хүртсэн.
2019 оны АХ-ын 98 жилийн ойн баяр наадамд аймгийн арслан Б.Отгонбаатараар дөрөв, аймгийн арслан Б.Бат-Амгалангаар тав даван шөвгөрч чимэг нэмсэн.
2022 оны АХ-ын 100, 101 жилийн ойн баяр наадамд аймгийн арслан Ч.Эрдэнэсайханаар дөрөв, улсын начин Б.Ганхуягаар тав, аймгийн заан Э.Энх-Амгалангаар зургаа, улсын харцага Н.Золбоогоор долоо давж " Монгол улсын заан " цолыг хүртсэн.
2023 оны АХ-ын 102 жилийн ойн баяр наадамд аймгийн арслан Э.Мөнхжаргалаар дөрөв давж тавын даваанд аймгийн хурц арслан Э.Ууганбаярт өвдөг шороодсон.
2024 оны АХ-ын 103 жилийн ойн баяр наадамд аймгийн арслан Э.Мөнх-Эрдэнээр дөрөв давж тавын даваанд аймгийн хурц арслан М.Амарсанаад өвдөг шороодсон.
2025 оны АХ-ын 104 жилийн ойн баяр наадамд аймгийн арслан Ц.Төмөрцоожоор дөрөв, аймгийн хурц арслан Б.Очирхүүгээр тав, улсын начин Л.Энхсаруулаар зургаа давж "Үнэн зоригт" чимэг нэмсэн.
Үндэсний бөхийн амжилт
[засварлах | кодоор засварлах]| Жил | Түвшин | Бөхийн тоо | Цол | Давсан тоо | Авсан цол/чимэг | Тэмдэглэл |
|---|---|---|---|---|---|---|
| 2025 | Улс | 512 | Улсын Заан | 6 | Үнэн Зоригт | |
| 2024 | Улс | 512 | Улсын Заан | 4 | ||
| 2023 | Улс | 512 | Улсын Заан | 4 | ||
| 2022 | Улс | 1024 | Улсын Харцага | 7 | Улсын Заан | |
| 2021 | Цуцлагдсан | Улсын Харцага | Ковидоос болж тэмцээн цуцлагдсан. | |||
| 2020 | Улс | 512 | Улсын Харцага | 3 | ||
| 2019 | Улс | 512 | Улсын Харцага | 5 | Өсөх Идэр | |
| 2018 | Улс | 512 | Улсын Харцага | 4 | ||
| 2017 | Улс | 512 | Улсын Харцага | 3 | ||
| 2016 | Улс | 1024 | Аймгийн Арслан | 6 | Улсын Харцага |
|
| Улсын Наадмын Түрүү Улсын Наадмын Шөвөг Аймаг/Сумын Наадам Цол ахисан | ||||||
Эх Сурвалж
[засварлах | кодоор засварлах]- ↑ ""Бөхийн өргөөн"-д хамгийн олон түрүүлсэн Монгол улсын ЗААН цолтнууд". 2023-10-23.
- ↑ "Баярхүүгийн Бат-Өлзийгийн амжилт". Дэвжээ.мн - Үндэсний бөхийн мэдээллийн сан.