Буянхэрмиш

Чөлөөт нэвтэрхий толь — Википедиагаас
Jump to navigation Jump to search

Буянхэрмиш нь хонгирад овгийн эмэгтэй, Хубилай хааны ууган ач хүү Гамалагийн их хатан байсан. Түүний талаар Юань улсын сударт тэмдэглэхдээ: "Гамалагийн богдын үзэсгэлэнт хэвт ёст төрийн хатны нэр Буянхэримиши хэмээмүй. Хонгирад аймгийн хүн. Гамалагийн Шань сьи дэх ордондоо байх үед хатныг буулгаж авчээ. Есөнтөмөр хааныг төрүүлэв"[1] гэжээ. Есөнтөмөр хаан 1324 онд хатан эхдээ Богдын элэгсэг хэвт ёст төрийн хатан[2] хэмээх хүндэт өргөмжлөл хүртээж, навчит өргөмжлөлийн хамт өвгөдийн сүмд Сяньзун Гамалагийн тахилын харшид оруулж тавьсан. 1328 онд Төвтөмөр заяат хаан, улс төрийн шалтгаанаар Гамала хаан, Буянхэрмиш хатны тахилыг эвдүүлжээ.
Тэрээр Гамала хаанд Сүншан, Есөнтөмөр, Дэлгэрбух гэсэн гурван хүү төрүүлж өгсөн. Мөн Бодьшил нэртэй гүнжийг төрүүлсэн байж магадгүй.

Эшлэл[засварлах | edit source]

  1. Д.Идэр "Их Юань улсын хатад" УБ., 2016. 146 дахь тал
  2. Д.Идэр "Их Юань улсын хатад" УБ., 2016. 146 дахь тал