Гамала
Гамала (1263-1302) нь Хубилай хааны 2-р хүү Чингим хунтайж болон түүний эхнэр Хөхжин хатнаас ууган хүү нь болж мэндэлжээ. Тэрээр Есөнтөмөр хааны эцэг бөгөөд Хархорум төвтэй Монгол нутгийг 1292-1302 он хүртэл Жинь ван цолтойгоор захирч байсан. Түүнийг нас барсны дараа түүний суудлыг дунд хүү Есөнтөмөр залгамжилсан.
Гэр бүл[засварлах | кодоор засварлах]
Эцэг, эх[засварлах | кодоор засварлах]
- Эцэг: Чингим хунтайж
- Эх: Хөхжин хатан
Ах, дүүс[засварлах | кодоор засварлах]
- Дүү: Дармабала
- Бага дүү: Төмөр Өлзийт хаан
Хатад, үр хүүхэд[засварлах | кодоор засварлах]
Юань улсын судрын 114-р дэвтэр "Хатад сул хатдын цадигт" Гамала ван гурван хатантай гэжээ. Үүнээс Буянкэлимиши хатны намтар бичигдсэн байдаг.
- Буянхэрмиш хатан
- Бай бай хай хатан[1]
- Хушанхай хатан[2]
Хөвүүд[засварлах | кодоор засварлах]
- Сүншан лян ван: Юньнань мужид томилогдон цэрэг захиран алба хашиж байсан.
- Есөнтөмөр хаан: 1302 онд жинь ван цолыг залгамжлан 1323 он хүртэл Монгол нутгийг ерөнхийлөн захирч байсан. 1323 оны 9 сараас 1328 оны 9 сар хүртэл Юань Улсын хаан сэнтийд заларсан.
- Дэлгэрбуха сян нин ван: 1309 оноос хойш 500 асуд цэрэг захирч, Хархорум хотыг сахиж байсан. Монгол нутгийн нэг хэсгийг захирч байв.
Охин[засварлах | кодоор засварлах]
- Будашир гүнж: 1296 онд Курё улсын ван Чүньсоны их хатан болжээ. Хүүхэд төрүүлээгүй.
- Раднабал гүнж: 1309 онд Онгуд аймгийн ноён Жуань хүргэний хатан болсон.
- Шоу Нин гүнж (Юань улс): Түүний намтар түүх тодорхой бичигдсэнгүй. Нөхөр нь найман аймгийн ноён байсан бололтой. Шоунин гэдэг нь нэр бус өргөмж цол юм.