Василий Александрович Сухомлинский

Василий Александрович Сухомлинский нь (Украйн: Василь Олександрович Сухомлинський) нэрт сурган хүмүүжүүлэгч хүн юм. В.А.Сухомлинский нь (1918 оны 9 сарын 28-нд төрж, 1970 оны 9 сарын 02-нд нас баржээ) хүмүүнлэг хүнийг бий болгох нь боловсролын зорилго гэж үздэг Зөвлөлтийн үеийн Украйны хүмүүнлэг сурган хүмүүжүүлэгч хүн байв.

Намтар

Ирээдүйн нэрт сурган хүмүүжүүлэгч В.А.Сухомлинский нь Украйны Кировоградын тосгонд 1918 онд мэндэлжээ. Тэр 1933 онд 7 жилийн дунд сургуулийг дүүргээд Кременчук-т ээжтэйгээ хамт очиж, эрүүл мэндийн техникум-д суралцахаар болжээ. Тэр эрүүл мэндийн техникумыг төгсгөлгүй орхисон ч богино хугацааны сургалтыг дүүргэсэн байна. 1935 оноос төрөлх тосгоноосоо холгүйхэн газар багшаар ажиллаж эхэлжээ. 1938 онд Полтавагийн сурган хүмүүжүүлэх дээд сургуульд элсэн орж, тэр жилдээ төгссөн байна. Сургуулиа төгсмөгцөө Онуфриевкагийн дунд сургуульд Украйн хэл, Утга зохиолын хичээл зааж эхлэв. Дэлхийн II дайны үеэр В.А.Сухомлинский нь 1941 онд фронтод сайн дураараа явж, өсвөрийн улс төрийн ухуулагч хийж байгаад 1942 оны 1 сард Москваг хамгаалах үеэр хүнд шархаджээ. Үүний дараагаар Уралын нуруун дахь цэргийн эмнэлэгт шилжиж, эмчилгээгээ хийлгэж байжээ. Тэрээр Ува (Бүгд Найрамдах Удмурт) хотын дунд сургуулийн захирлаар томилогдов. 1944 онд нацист Германаас уугуул нутгаа чөлөөлөхөд тэрээр Бүсийн Ардын Боловсролын (RAINO) даргаар томилогдсон.

1948 онд В.А.Сухомлинский нь Украйны Павлыш суурингийн Павлышийн дунд сургуулийн захирал болсон ба (өөрийн хүсэлтээр) энэ албан тушаалыг амьдралынхаа эцэс хүртэл хашсан.

1955 онд "Сургуулийн захирал-Боловсролын үйл явцын тэргүүн" сэдвээр дипломын ажил бичиж докторын зэрэг хамгаалсан.

1957 оноос Сурган хүмүүжүүлэх шинжлэх ухааны академийн хүндэт гишүүн.

1968 онд ЗХУ-ын Сурган хүмүүжүүлэх ухааны академийн хүндэт гишүүнээр сонгогдов.

Боловсролын гүн ухаан

В.А.Сухомлинскийн боловсролын үндсэн гол ухагдахуун бол ёс суртахууны боловсрол олгох, ингэхдээ шавь нартаа байгаль, урлаг, хүмүүсийн харилцааны гоо сайхныг мэдрүүлж, тэднийг хүрээлэн буй орчныхоо төлөө хариуцлагатай хандахад уриалж байв.

В.А.Сухомлинский нь шавь нартаа амьдралын хамгийн үнэ цэнэтэй зүйл бол хүн бөгөөд бусад хүмүүст баяр баясгаланг бэлэглэхээс илүү нэр төрийн хэрэг гэж байхгүй гэж зааж сургаж байсан юм.

Сурган хүмүүжүүлэх үйл ажиллагаа

В.А.Сухомлинский хүүхдүүдийн хүүхэд насыг хэвээр хадгалах, өөдрөг, ертөнцөд нээлттэй байлгах, гадаад ертөнцөд илэрхийлэх сэтгэл хөдлөлөө чөлөөтэй байлгахыг зорих зэргээр шинэлэг хандахыг хичээсэн. Хүүхдүүдийг хамгийн үзэсгэлэнтэй байгалийн орчинд аваачиж, хүүхдүүдэд байгалийн хөгжим, өвс ногоо, навчны чимээ, болжморын дууг сонсож зааж байжээ.

Василий Александрович Сухомлинский хүүхдүүдэд зориулсан 48 нэг сэдэвт бүтээл, 600 гаруй өгүүлэл, 1500 өгүүллэг, шидэт үлгэр бичсэн хүн юм.

Гавьяа Шагнал

1958 онд Украины ЗХУ-ын гавьяат багш.

1968 онд Социалист хөдөлмөрийн баатар цолоор шагнагджээ.

Энэ багшийн тухай өгүүлэл дутуу дулимаг бичигджээ. Нэмж гүйцээж өгөхийг хүсье.